وصفى كريب تانية

كريب
*****

المقادير:
======

كوب دقيق-كوب لبن-3 معالق زيت-ذرة ملح-ذرة سكر-ذرة فلفل اسمر(حسب الرغبه)

الحشو:
=====
ممكن نحشى بجبنه رومى او شيدر او لحمه مفرومه ومعصجه او شاورما او فراخ_انا حشيتو النهارده هوت دوج وجبنه رومى

الهوت دوج:
=======

نسيح قطعة زبده مع زيت على النار ونحط بصله مفرومه لحد لما يتغير لونها وتبدا تحمر نحط الهوت دوج ويطون مقطع قطع صغيره-ملح وفلفل اسمر وشوية ميه ونسيبو لحد لما يقرب ينشف خالص نحط معلقة كاتشب ونكون طافيين النار

خطة العمل:
========

بنضرب مكونات الكريب السابق ذكرها مع بعض بمضرب الكهربا ولو مفيش بنضرب بمضرب السلك العادى بس بنصفيها بعدها عشان مش يبقى فيها كلاكيع دقيق-نسيبها 5دقايق ترتاح-نكون مسخنين طاسه تيفال او حتى صنيه بس المهم تكون تيفال ونحط نقطه زيت ونوزعها بكلينكس عشان يشرب الزياده فى الزيت-نحط مقدار كبشه واحده وبنحرك الطاسه بشكل دائرى عشان نفرد العجين رقيق جدا بشكل دائرى- نسيبها لحد ما نحس انها نشفت وعملت فقاقيع-نحط الحشو ونراعى انو يكون فى ربع دائرة العجين-نحط جبنه بارميزان او رومى او شيدر او موزاريلا-نطبق العجينه على شكل مثلث وهيا لسه على النار ونقلب فيها باسباتيولا او اداه مفروده....وتتقدم سخنه وبالف هنا...ولا تنسونا من صالح دعائكم.