ملكه الحب والغرام
Admin
عدد المساهمات : 432
تاريخ التسجيل : 14/05/2011
العمر : 38
الموقع : مملكه الحب والغرام
 |  موضوع: روايه لما نعشق القمر لما يجمع الصحاب؟؟؟؟؟؟الحبقه الثانيه والعشرون والاخيره  الجمعة مايو 20, 2011 9:00 am | |
|
الحلقه 22 والاخيره
النتائج ظهرت والكل نجح وكالعاده فرفوشه وحائره جابو نفس التقدير ودا في حد ذاته فرحه كبيره ليهم
وجه يوم الفرح بتاع سيلنت وميزو والكل حضر
وفي الفرح
حائره:انا فرحانه قوي ليهم......بجد لايقين على بعض
فرفوشه:اه والله ياختي لايقين...ربنا يهنيهم
صدى:عقبالك ياحائره انتي وعمرو
عمرو:قريب جدا ان شاء الله
اسامه:ياسلام....ايه ياعم الثقه دي كلها
عمرو:هي دي بقى المفجأه
فري:يابني ماتتكلم .......
عمرو:انا عملت كشف الجيش والراجل قالي انت حظك من السما
اسامه:يابني ماتنجز ...هااا
عمرو:قالي احنا كل 200 واحد نختار واحد مهنم نديه اعفا ....وانا طلعت من اللي اختاروهم
حائره:وووااااااااااااااااااو ....بجد ياعمرو
عمرو:هههههههههه ايون بجد.....انا مش رايح الجيش
صدى:مبروك ياعمرو .....والله فرحتنا
فرفوشه:احنا النهارده عندنا فرحين مش فرح واحد
حائره:الحمد لله....بجد ربنا كبير قوي ....ومش بيضي عامل حد فيه
عمرو:وانا متأكده انه مش هايخذلنا......كدا بقى مافضلش غير اني اخطبك رسمي
فري:ربنا يوفقكم .....بس ايييييييييه اوعو تنسو تعزمونا في الخطوبه ....مش زي الاندال دول
عمرو:ولا يهمك انتي اول وحده مش هاعزمها ....ههههههههه
فري:ياسلام ع الرخامه
اسامه:امال فين حماده
فري:اه صحيح هو فين؟؟؟؟
فرفوشه:انا هاروح اشوفه غطسان فين وبالمره افرحه بخبر عمرو......تعالي معايا ياحائره
عمرو:نعم ياختي.........يابت ماتخلي عندك دم وتسيبهالي احتفل معاها
فرفوشه:حاضر ياخويا.....بس اشوف حماده فين واجعهالك ...والا عايزني امشي لوحدي
عمرو:ماعندك صدى وفري..حبكت يعني حائره
حائره:خلاص ياعمرو ...انا هاجي بسرعه
عمرو:روحي ياختي.....بس خدي بالك منها
فرفوشه:قال يعني هاتضيع مني .....امشي يابت قدامي
اما حماده وقتها يكون واقف مع مانجا
مانجا:حماده....من غير لف ولا دوران ...انت عايز مني ايه
حماده:ايه اللي خلاكي تقولي كدا
مانجا:تصرفاتك
حماده:مالها تصرفاتي
مانجا:انت كل ماتشوفني مع فري تيجي وتنتهز اقل فرصه عشان تتكلم معايا
حماده:ماهي واضحه اهه ....يبقى عايز منك ايه
مانجا:اعتبرني مش فاهمه وقولي عايز مني ايه
حماده:اوك.....ببساطه كدا انا معجب بيكي
مانجا:لا والله......وفرفوشه؟؟؟
حماده:مالها فرفوشه
مانجاه:الكل عارف انكم بتحبو بعض
حماده:هههههههههههههههههه بنحب بعض؟؟؟؟؟؟
مانجا:ياسلام......انا قولت ايه يخليك تضحك قوي كدا
حماده:يابنتي فرفوشه دي مجرد زميله بالنسبالي......
مانجا:لا والله.....امال ايه حكايه الحب دي
حماده:هي
اللي بتحبني ......وبقت تقرب مني وتقول للشله انها بتحبني ....وبقو
يكلموني عشانها.....لكن صدقيني دي حكايه منتهيه اصلا .....وانتهت خالص بقى
في اخر يوم في الكليه
مانجا:يااااه...لدرجادي
حماده:واكتر كمان.....يابنتي مافيش بينا حاجه نهائي
اساسا مش دي اللي افكر فيها
وقتها فرفوشه وحائره كانو سمعو كل كلمه قالها حماده
والتفت حماده
حماده:فرفوشه؟؟؟؟؟؟؟؟؟؟؟انتي هنا من امتى
فرفوشه بباتسامه وعينها مليانه دموع:من يوم ما اعجبت بيها
ومشيت فرفوشه وسابتهم
حائره:بجد ياحماده.....انت اكبر كداب شفته في حياتي
وجريت حائره تلحق فرفوشه
اما حماده انتهز الكلام وقال لمنجا:شوفتي عشان تعرفي بس انها هي اللي كانت بتجري ورايا
اما فرفوشه لما مشيت كانت مش شايفه قدامها أي حاجه غير شريط الاحداث اللي حصلت بينها وبين حماده من اول يوم عرفته فيه
ومانتبهتش الا على صوت حائره وهي بتقولها فرفوشه حااااااسبي
ساعتها كانت العربيه خبطت فرفوشه ونطرتها للرصيف التاني
كل الشله اتجمعت ونقلو فرفوشه المستشفى
وفي المستشفى:
حائره:انت ليك عين تيجي .....يابجاحتك يااخي ....مش مكفيك اللي انت عاملته
حماده:حائره.....انا
حائره:انت تمشي من هنا وماتورينيش وشك تاني
صدى:اهدي ياحائره
حائره بصوت عالي:امشي من هنا
فري:خلاص ياحماده امشي من هنا دلوقتي
حائره:بقولك امشي
مشي حماده وهو بيقول في نفسه:ايه اللي انا عملته ده.....مش دي اللي كنت بجري وراها.......دي اخرتها....انا اعمل فيها كدا.......سامحيني يافرفوشه
اما الشله:
اسامه:ياجماعه حد كلم عمتها
فري:انا كلمتها وهي جايه دلوقتي
وقتها طلع الدكتور
حائره:ها يادكتور طمني فيها ايه
الدكتور:هي عندها كسر في ايدها نتيجه الوقعه.....ونزيف داخلي بس الحمد لله وقفناه
عمرو:يعني هي كويسه دلوقتي يادكتور
الدكتور:ماقدرش اقولكم حاجه دلوقتي لحد ماتقوم ....
حائره:طب ممكن اشوفها ....
الدكتور:دلوقتي صعب ....بس ممكن تيجي بكرا وتشوفيها
حائره:بكرا.......لا انا مش هاتحرك من هنا غير وهي معايا
الدكتور:صدقيني وجودكم دلوقتي مش هايفيد....كل اللي عليكم انكم تدعولها
مشي الدكتور....وانهارت حائره من اعياط
عمرو:صلي على النبي وبلاش كل دا
حائره:عليه
الصلاه والسلام......بس دي فرفوشه ياعمرو.....اللي هزارها كان مالي
الدنيا....مش قادره اصدق ان حماده هو السبب في دا كله......هي كانت من
الاول مش مرتحاله وانا اللي فضلت اضغط عليها.....انا السبب في دا كله
صدى:قدر ومكتوب ياحبيبتي ....دا كله مش هايرجع حاجه
فري:ادعيلها ياحبيبتي
اسامه:ياجماعه وجودنا هنا زي عدمه يلا نروح ونجيلها بكرا
حائره:لا ...انا مش هامشي من هنا الا معاها
صدى:انا مطره امشي عشان اتأخرت
فري:وانا كمان مش هاقدر اقعد كتر من كدا
اسامه:وانا هاوصلكم عشان الوقت اتأخر يلا سلام ياجماعه
ومشيو كلهم وسابو عمرو وحائره
وبعدها بشوي جت عمتها
عمتها:يالهوي يابنتي ......ايه اللي حصل
عمرو:اهدي ياخالتي مافيها ش حاجه ان شاء الله
عمتها:امال هي فين
حائره:هي نايمه شويه وهاتصحى على بكر ا ان شاء الله
عمرو:حد عرف من اهلها؟؟؟
عمتها:لا يابني انا قولت مش هاخضهم
عمرو:كويس برضو هي ان شاء الله هاتقوم بالسلامه....مش يلا ياحائره انتي هاتتأخر
حائره:انا كلمتهم في البيت وقولتلهم اني هابات هنا
عمرو:وهما وافقو ؟؟؟؟.
حائره:ماعرفش بقى ......انا مش هاتحرك من هنا
عمتها:اصيله يابنتي.....روح انت يابني انا وهي هانقعد مع بعض
عمرو:مستحيل اسيبكم انتو الاتنين هنا وامشي انا هافضل معاكم انا هاكلمهم اقولهم اني هابات هنا
وفضلو هما التلاته واملهم في ربنا انه هايقومها بالسلامه
عدى يومين على وجود فرفوشه في العنايه
وراح الدكتور يشوفها.
ولما خرج
حائره:هايا دكتور ...طمني
الدكتور:لا النهارده في اخبار حلوه.....الخطر راح
حائره وعمرو وعمتها:الحمد لله
الدكتور:انتي بقى حائره صح؟؟
حائره:ايوا انا
الدكتور:هي عايزاكي .......بس بلاش تجهديها
حائره:حاضر مش هاتكلم خالص
دخلت حائره لفرفوشه
حائره:حبيبتي
فرفوشه بباتسامه:وحشتيني .....تعالي
حائره:حمد لله على سلامتك ....كدا تخضيني عليكي
فرفوشه:الله يسلمك
حائره:ماتتعبيش نفسك عشان خاطري
فرفوشه:هههههه....انتي خايفه اموت
حائره:بعد الشر
فرفوشه:يابت ماتخافيش.....ربنا كبير واحنا هانحقق حلمنا واحنا مع بعض
حائره:اكيد
ياحبيبتي.......انتي ماتعرفيش انا بحبك قد ايه.....انا معاكي اتعلمت حجات
كتير.....وحبيت الحياه والضحك.....ومابقتش احكم ع الناس من الظاهر
فرفوشه:وانا كمان اتعلمت منك يعني ايه الصداقه اللي كنت نسيتها من زمان....خليتيني اتمسك في حلمي اكتر واكتر
انا مابقتش اقدر اتخيل حياتي من غيرك
حائره:سامحيني يافرفوشه...انا ماكنتش اعرف انه كداب
فرفوشه:ههههههه
انتي مش شايفه اننا دخلنا فيلم هندي ...بالك انتي انا زعلانه
عليه؟؟؟؟.....لا ابدا انا مش زعلانه ....دا انا اتعلمت حاجه حلوه قوي في
حياتي .....بس بالله عليكي بطلي الفيلم الهندي ده
حائره:ههههههه حتى وانتي تعبانه بتهزري انتي ايه
فرفوشه:انا فرفش ياختي....اللي انتي هاتجيبي بنت وتسميها على اسمها.....وهي هاتشيلهالك وتعلمها المقالب كلها
حائره:ياخرابي انتي هاتبوظيلي البت
فرفوشه:وكمان هاحكيلها عن كل فضايحك وانك بتخافي من الصراصير
حائره:اقولك حاجه....انا مش هاجيب عيال خالص
فرفوشه:بس يابت ...لاخلي الدكتور يديكي ابره تخرج من ودانك
حائره:هههههههههههههههههه خلاص حرمت ...اخر مره
وبعدها بدات فرفوشه تتحسن يوم بعد يوم وحائره كانت معاها ومش بتفارقها لحظه
والشله كانو بيزوروها يوم بعد يوم
اما حماده كان بيعرف اخبارها منهم من غير مايقدر يروحلها
وفي يوم:
فرفوشه:الا قوليلي ياعمتي ....هي حائره وعمرو ماتصلوش
عمتها:لا ياحبيبتي التليفون اهه ماحدش فيهم اتصل
فرفوشه:غريبه......ماحدش فيهم ظهر النهارده....وكمان امبارح مشيو بدري
عمتها:اكيد خير ان شاء الله.....ماتقلقيش
وفجأه تدخل حائره:
عمتها:ياريتنا افتكرنا مليون جنيه
فرفوشه:وجودها عندي اغلى من مليون.......انتي فين ياموكوسه
حائره:فرفش حبيبتي...حبيبتي...حبيبتي
فرفوشه:في ايه يابت
عمرو:بخخخخخخخخخخخخخ....انا جيت
فرفوشه:ايه انتو الاتنين شغل الجنان ده.....في ايه
عمرو:امسكي نفسك
فرفوشه:هااااااااااااا
عمرو:جهزي نفسك....للصدمه
فرفوشه:ماتنطق لاديك في سنانك
حائره:عمرو جه هو وباباه وخطبوني رسمي
عمته فرفوشه تروح مزغرطه
فرفوشه:ياعمتي استني.....انتو بتتكلمو بجد؟؟؟؟
عمرو:ههههههههههههههههه اهي ابتدت تتنح اهيه
حائره:ههههههههه ايوا ياحبيبتي بجد....خلاص عمرو خطبني رسمي
عمرو:الحمد لله ...ربنا ماخذلناش يافرفش واملنا فيه ماخابش
فرفوشه:ونعم بالله
حائره:الحمد لله...انا ماكنتش متوقعه بابا يوافق....بس الحمد لله ربنا كبير
عمرو:كدا
بقى فاضل مشروعنا اللي هانعمله .....بابا هايساهم فيه ....وانا هاحط
الفلوس اللي معايا كلها على الفلوس بتاعتكم وهانعمل الشركه ونكبرها
عمة فرفوشه:هابتقى شركه ايه؟؟؟
فرفوشه:هانعمل
شركه بتاعت ملابس ....نستغل فيها تخصصنا والفلوس اللي هاتطلع هانساعد بيها
المحتاجين....ولما تكبر شويه هانشغل فيها الناس اللي محتاجه ومش لاقيه شغل
عمة فرفوشه:ربنا يوفقكم ياولادي وانا من عندي هاساهم وهاخلي كل اللي اعر فهم يساهمو وربنا مش هايخذلكم
عمرو:كدا نبقى كسبنا ....وان شاء الله مش هاناخد وقت كبير لو شدينا همتنا كلنا مع بعض
ويوم االافتتاح ان شاء الله هانعمل الفرح...وبعدها هانبدا رحلتنا ونلف العالم كله
وباتو هما التلاته اسعد تلاته في العالم لدرجه انهم ماعرفوش ينامو من الفرحه
وبعدها باسبوع طلعت فرفوشه من المستشفى وقررو يحتفلو بمناسبه خروجها وعزموها على اكله سمك
وفي المطعم
فرفوشه:جرى ايه يابت...هو عمرو راح فين
حائره:انا عارفه.....دا سابني وقال جاي بسرعه
فرفوشه:مصيبه لايكون هايدبسنا في الحساب
حائره:ههههههههههه لا ياختي عمرو مايعملهاش
اما عمرو:
عمرو:حماده..دي اخر فرصه ليك وانا ماليش دعوه....اساسا لولا زنك ماكنتش هاوافق
حماده:خلاص ياعم....انت بس وديني عندها وسيبني وانا هاتصرف
عمرو:ربنا يستر
ولما راحو:
فرفوشه:بت ....ايه اللي جاب داهنا
حائره:والله ماعرف يافرفش انه جاي
فرفوشه:تلاقيه فصل من فصول عمرو....صبرك عليا ياعمرو
حائره:ابوس ايدك عدي اليوم دا على خير
عمرو:ااا.............
فرفوشه:جاك اوى
حماده: ازيك يافرفوشه.....حمد لله على سلامتك
فرفوشه:نحمده على كل حال...ياخويا
عمرو:طب ياحائره تعالي شويه عايزك
فرفوشه:ايوا ياخويا اهرب......بس ماتنساش الحساب
عمرو:حاضر ياختي مش هانسى
مشي عمرو وحائره
حائره:ايه ياعمرو اللي انت عملته دا
عمرو:والله ياحائره انا من كتر زنه وزهقت
حائره:بس انا متأكد هان فرفوشه مش هاتسامحه
عمرو:وانا كمان ..عشان كدا خليته يجي عشان يعرف بنفسه
اما حماده وفرفوشه:
حماده:ازيك يافرفوشه
فرفوشه:قولت لك نحمده على كل حال
حماده:فرفوشه...
فرفوشه:نعمين
حماده:انا عارف اني غلطت وجرحتك....بس ندمان على كل حاجه
فرفوشه:الحمد لله انك عرفت غلطتك
حماده:يعني مسامحاني يافرفوشه
فرفوشه:ربنا يسامحك
حماده:يعني هاترجعيلي
فرفوشه:انا قولت كدا؟؟؟
حماده:امال مسمحاني ازاي
فرفوشه:اه ...نسيت ان لغتك انجليزي ...هافهمهالك بلغتك......"جود لوك" ياخويا انا مابقتش انفعك خالص انت لازم تشوف وحده تليق بيك لان انا "جيم اوفر"
حماده:فرفوشه ..انا..
فرفوشه:انا خلاااااااااااااص ماعتش هارجع ريح نفسك ودماغك ربنا يوفقك
مشيت فرفوشه وسابت حماده اللي تأكد انه خسر فرفوشه للابد من غير رجوع
مرت سنه والتلاته شدو حيلهم وكان املهم في ربنا بيكبر يوم يعد يوم وعملو شركه صغير ه جدا وبسيطه على قدهم وسموها"Moon Lovers"يعني عشاق القمر وبقت الماركه بتاعتهم اسمها"A.H.A"وبقت
الماركه في طريقها للشهره وفي يوم الافتتاح كان فرح عمرو وحائره اللي بدؤ
رحلتهم بعدها وكان اول حاجه فكرو فيها انهم يروحو مكه ويبداؤ من هناك
فرفوشه :تابعت الشغل في غياب حائره وعمرو وصرفت نظر عن الرجاله كلها واكتفت بمقولتها الشهيره"ياختي بلاوكسه ووجع قلب قال رجاله قال "
حماده:طبعا مانجه مارضيتش بيه لانها كانت عارفه انه كداب ومن نحيه تانيه هي كانت ميته في اسامه
اسامه:بعد ماعرف ان مانجا بتحبه لقى نفسه هو كمان بيحبها واول مااتخرج خطبها
اه صحيح نسيت اقولكم
حماده كمان عرف
كام وحده بعد كدا وكان بيدور في كل وحده على صفات ومايلاقيهاش فيروح ياخد
الصفات الحلوه اللي فيها ويضيفها على الصفا ت اللي هو عايزها ويزود الامور
تعقيد......ياجماعه ادعوله بقى لايتجنن
عشق:جوزها خلص دراسته ورجعت هي وجوزها وبناتها وعاشو في مصر
سيلنت وميزو:جابو ولد زي القمر ....بس شقي شقاوه 20 واد في بعض
صدى:اتجوزت ابن عمها واكتشتف انه كان بيحبها وهي ولا على بالها
فري:اشتغلت في شركه كبيره قوي وبقت من الموظفين المهمين فيها
وبعد سنه خلصت رحله عمرو وحائره بس لما رجعو كانو تلاته لان كان معاهم فرفوشه الصغيره
وقررو يتجمعو كلهم في لمه تجمع الصحاب ويسترجعو فيها ذكريات الماضي
وهما قاعدين
فرفوشه:بصي ياحائره القمر شكله حلو ازاي
عمرو:واحنا بنعشق القمر وخاصتا لما يجمع الصحاب لمه
وفجاه فرفوشه الصغيره عيطت
حائره:هههههههههههههههه حتى لما نبكي بنفرح لو نكون لمه
روايتنا خلصت...يارب تكون عجبتكم ووصلت لكم رسالتها
| |
|
