ملكه الحب والغرام
Admin
عدد المساهمات : 432
تاريخ التسجيل : 14/05/2011
العمر : 38
الموقع : مملكه الحب والغرام
 |  موضوع: روايه لما نعشق القمر لما يجمع الصحاب؟؟؟؟؟؟الحلقه الثامنه عشر  الجمعة مايو 20, 2011 8:55 am | |
|
الحلقه 18
يلا نشوف حماده هايعمل ايه
ازداد تجاهل فرفوشه لحماده وازدادت حيرته في تغيرها المفاجئ عليه
وفي يوم الصبح حماده كان سرحان
عمرو:ايه يابني وصلت لفين
حماده:والله
ياعمرو انا مش عارف اعمل ايه مع فرفوشه ...كانت كويسه وفجأه قلبت ومش عارف
اعمل ايه...اظاهر انها مش عايزاني وقررت كدا فعلا...بس ليه؟؟؟؟...دا انا
ماعملتش حاجه تزعلها
عمرو:صدقني الموضوع فيه سر وفرفوشه هي الي عارفاه ...الحكايه مش حكايه قرار هي قررته
صدى:انت ياحماده النهارده بعد المحاضرات خدها وكلمها وشوف هي بتعمل كدا ليه
حماده:يعني هي مدياني فرصه اصلا....
صدى:سيبها عليا انا دي
عمرو:هههههههه كدا تبقى خربت....رحت فيها ياحماده
صدى:ماشي ياعمرو اتريق براحتك
عمرو:يعني وهو انا جيت جمبك ....اما نشوف ياختي هاتعملي ايه
وبعد المحاضرات مخلصت
فرفوشه روحت على طول وحائره راحت للشله
حماده:ايه ده هي فرفوشه روحت؟؟
حائره:للاسف ايوا....بجد ماعدتش فاهمه أي حاجه
عمرو:انا متأكد ان البت اللي كلمتها دي قالت لها حاجه عن حماده
حماده:لا ياعمرو..فرفوشه خلاص قررت انها تبعد عني لأنها الفتره اللي فاتت ماحستنيش
حائره:لا ياحماده ....فرفوشه فعلا
حستك وبنفسها قالتلي انها ابتدت ترتاح لك ..بس فجأه قلبت والظاهر فعلا زي
ماقال عمرو ان البنت دي قالت لها حاجه عنك
صدى في نفسها**:معقوله تكون شمس هي اللي راحت لفرفوشه
عمرو:ايه ياست حلالت المشاكل ماسمعناش صوتك يعني
صدى:ها.......حائره انا هاوريكي وحده لو طلعت هي اللي كلمت فرفوشه يبقى عرفنا ايه الحكايه
وتاخد صدى حائره وتروح تدور على شمس وقبل ماتكلمها
صدى:حائره لو هي ماتقوليلهاش حاجه ولا تجيبي سيره فرفوشه
حائره:ماشي بس هي مين دي وليه انتي متأكده منها
صدى:هافهمك بعدين بس اتأكد زياده وبعدين اقولك
ولما راحو
صدى:ازيك ياشمس عامله ايه
شمس:صدى ازيك ياحبيبتي عامله ايه
صدى:اعرفك حائره صحبتي...شمس زميله الدراسه
حائره:اهلا ياشمس
شمس:اهلا بيكي ..الا قوليلي ياصدى ايه اللي فكرك بيا
صدى:ايه ..هو حرام اسأل عنك والا ايه
شمس:لا فيكي الخير
صدى:يلا اديني سألت عشان ماتقوليش ناسياكي ... ابقى اسألي بقى
شمس:ماشي ياحبيبتي ...يلا اشوفك قريب
مشيت صدى وحائره
صدى:ها..ياحائره
حائره:ايوا هي دي اللي كلمت فرفوشه...بس انتي عرفتي منين ...وبعدين دي ايه علاقتها بفرفوشه
صدى:دي كانت بتحب حماده من زمان وهو مش معبرها
حائره:وفرفوشه مالها
صدى:ماهو....اصل....بصراحه كدا هي جت وسألتني عنه وانا قولت لها انه بيحب فرفوشه وحكيت لها كل حاجه
حائره:قامت راحت لفرفوشه وعكت الدنيا
صدى:بالظبط كدا
ولما رجعو لعمرو وحماده
عمرو:ههههههههههههههههههه ياعيني ياعيني وانتي اللي كنتي بتقولي هاتحليها اديكي ياختي خربتيها
حماده:ماهي دى صاحبه واجب من يومها
صدى:ويعني هو انا كنت اعرف ان دا اللي هايحصل ..انا كنت فاكره لما احكيلها كدا هاتفقد الامل انح ماده يرجع لها
عمرو:لا عبقريه والله
حائره:خلاص بقى ياجماعه ...خلونا نفكر هانعمل ايه
حماده:ان ماوريتك ياشمس
عمرو:انتي ياحائره عليكي تكلمي فرفوشه وتفهميها
حائره:اكيد دا اللي هايحصل ان شاء الله بكرا كل حاجه تتحل
حماده:بكرا دا هايكون يوم اسود على شمس
ولما رجعت حائره البيت
وفضلت تبص لفرفوشه بكل غموض
فرفوشه:عايزه تقولي ايه
حائره:لا ابدا
فرفوشه:تيب
حائره:ممممممم....فرفش
فرفوشه:والله انتي في حاجه محشوره في زورك ...بت انطقي
حائره:هو لو حد قالك اني مش كويسه هاتصدقي؟؟؟
فرفوشه:هاصدق ازاي وانا عارفاكي كويس
حائره:طب لنفرض ان الحد ده لف دماغك وقالك اني عملت حاجه وحسيتي انك صدقتيه
فرفوشه:مممممممم هاجي اتأكد منك
حائره:طيب ماعملتيش كدا ليه؟
فرفوشه:عملت ايه؟؟
حائره:ليه لما شمس جت وقالت لك كلام عن حماده ليه ماتأكدتيش؟؟
فرفوشه:انتي عرفتي؟؟؟
حائره:للأسف عرفت من برا وكنت اتمنى اعرف منك
فرفوشه:ياختي اديكي في الحالتين عرفتي
حائره:طيب وماتأكدتيش من حماده ليه
فرفوشه:في حجات بتكون واضحه مش لازم تتأكدي ..وبعدين دي قالت كل اللي حصل بينا هاتعرف منين لو ماكنش هو قالها
حائره:عشان تعرفي انك ظلماه ...صدى هي اللي حكت لها كل حاجه وهي جت وقالت لك ..يعني حماده ماكلمهاش اصلا
فرفوشه:يعني الحكايه كدا
حائره:شوفتي بقى انك ظلمتيه
فرفوشه:يختي هو انا كنت هاشم على ضهر ايدي ...وبعدين انا ماعملتش حاجه
حائره:ياسلااااام ....دانتي جننتي الواد
فرفوشه:ههههههههههه وماله يختي لما يتجنن هو انا يعني كنت ضربته على ايده ماهو اللي اختار
وتاني يوم بعد المحاضرات
عشق:يلا يافرفوشه روحي لحماده لحسن هايموت عليكي
فرفوشه:اه ياختي اتريقي....بت انتي روحي اجري
حائره:هههههههههه طيب يلا بقى يافرفش نروح لهم اصل عمرو وحشني قوي
فرفوشه:ماتشفيش وحش ياختي
ولما راحو للشله
فرفوشه:اما هو حماده فين ان شاء الله
عمرو:هههههههه لسى فاكره تسألي عنه
فرفوشه:اه لسى فاكره
عمرو:ياشيخه انا لو منه كنت قتلتك
صدى:بطل رخامه ياعمرو ....حماده راح لشمس عشان يعملها قرصه ودن
فرفوشه:طيب يلا سلام
حائره:رايحه فين؟؟
فرفوشه:رايحه اقرص لها الودن التانيه
عمرو:اللللللللللعب فرفوشه اشتغلت الله يرحمك ياشمس
فرفوشه:يلا انا ماشيه وابقى اشوفك في البيت ياختي
مشيت فرفوشه
عمرو:والله ووقعتي في إيد فرفوشه ياشمس
حائره:فرفش طيبه بس اللي يجي عليها يلا السلامه
ومن جهه تانيه
حماده:ممكن افهم ايه اللي انتي عملتيه ده
شمس:علمت ايه؟؟
حماده:ياسلام ...هو انتي تقتلي القتيل وتمشي في جنازته
شمس:انت بتتكلم عن ايه؟؟
حماده:بقولك ايه ..بطلي شغل السهوكه ده وابعدي عن فرفوشه احسن لك
شمس:بقى هي دي اللي انت سايبني عشانها
حماده:بقولك ايه..انتي هاتعيشيلي اللحظه...انا اصلا ماقولتلكيش حاجه عشان اسيبك
شمس:حماده افهم...انا بحبك وبعمل المستحيل عشان اعجبك
حماده:متشكرين ياختي وبعدين الحب مش عافيه وانتي عارفه من الاول ان مشاعري نحيتك كانت زماله مش اكتر
وفجأه تيجي فرفوشه
فرفوشه بدلع:حماده.....ياميدو...انت رحت فين انت مش عارف اني مش بستحمل بعدك ولو ثانيه وحده
شمس تبص لفرفوشه بحقد
حماده:ابدا يافرفش كنت بصفي حساب
فرفوشه: اه صحيح معليش ياشموسه اصل حماده لما بيكون موجود مش بعرف اخد بالي من حد تاني....انتي عارفه الحب بقى
شمس:اه ياختي عارفاه انتي هاتقوليلي
فرفوشه:مش يلا ياميدو عشان نتمشى شويه اصل ماقدرش اروح البيت من غير ماتبقى اخر واحد عيني شافته
حماده:يلا ياقلبي....سلام ياشمس
فرفوشه:اه قبل مانسى....متشكره قوي ياشوشو على النصيحه الجميله ....وان شاء الله هارد هالك في اقرب مصيبه قصدي مناسبه ...بس انتي قولي يارب
وتمشي فرفوشه مع حماده ويسيبو شمس على اعصابها
حماده:ههههههه يالهوي على كيد النسا دانتي مصيبه
فرفوشه:امال هو انت لسى شوفت حاجه
حماده:بقى كدا يافرفش تصدقي كلامها عني
فرفوشه:بقولك ايه ماتعيش عليا اللحظه ...وماتقعدش تعيد الموال تاني خلصنا بقى ياعم انت
حماده:ياباي عليكي ايه بسرعه كدا اتقلبتي مانتي كنتي عسل من شويه
فرفوشه:لا داكان تمثيل...شويه من اللي اتعلمته من حائره بس يعني
حماده:طيب مافيش كلمه حلوه كدا
فرفوشه:لا طبعا في
حماده:طب فين
فرفوشه:كنافه وبسبوسه ..يلا مش حارماك من حاجه
حماده:هههههههههههههه طيب ياختي متشكرين
ولما روحت فرفوشه البيت
حائره:ها يافرفش عملتي ايه مع شمس
فرفوشه:ههههههه انتي عارفه يابت انك نفعتيني
حائره:ازاي بقى
فرفوشه:اول ماشفت البت شمس رحت عملت حركتين من بتوعك الهاي والباي دول ...لقيتها هاتفرقع زي البلونه
حائره:ههههههه طيب ياختي احنا في الخدمه
مشيت الامور تمام ورجعت المايه لمجاريها وفي يوم اجازه قررت فرفوشه وحائره انهم يخرجو مع بعض ويروحو يتسوقو
وهما ماشيين فجأه فرفوشه تقف
ياترى فرفوشه وقفت لييييييييييييييه؟؟؟
نشوف الحلقه الجايه
| 
|
| |
|
