الحلقه التامنه
حائره:الو...ايوا مين.....اه اهلاازيك ياحبيبتي......ايه؟؟؟؟؟؟
لا اله الا الله
....ان لله وان ايه راجعون ...امتى دا حصل.....طيب وانتي هاتيجي
امتى......كمان؟؟؟؟لاحول ولا قوة الا بالله ....شدي حيلك ياحبيبتي شده
وتزول ...معليش ...هاتوحشينا والله ....خدي بالك من نفسك ....لا اله الا
الله
قفلت حائره الخط والدموع ملت عينيها
فرفوشه:خير ان شاء الله مين دي ياحائره؟
حائره:دي فري انجل يافرفوشه ....بتقول ان جدها تعيشي انتي
فرفوشه:لا اله الا الله ان لله وان اليه راجعون
حائره:ربنا يكون في عونها
فرفوشه:امين يارب ....بس دا كان كبير وكان خلاص يعني
حائره:مهما كان يافرفوشه لازم يزعلو برضو على فراقه
فرفوشه:طب وهي هاتيجي امتى
حائره:بتقول ان في مشاكل هناك كتير قوي واظاهر انها هاتطول عشان كدا هاتأجل الترم ده هي واسامه
فرفوشه:اكيد كل دا عشان الفلوس ..ياشيخه ملعون ابو الفلوس اللي تعمل في القرايب كدا...يلا الحمد لله
على كل حال
تلاحظ فرفوشه ان حائره دموعها نزلت وبدات بالعياط
رفوشهف:مالك ياحائره معقوله الخبر يعمل فيكي كدا
حائره:الموت وحش قوي يافرفوشه ...بياخد مننا الناس اللي بنحبهم ....يكونو معانا وفي وسطينا وفجأه مانلاقيهمش صعب قوي الاحساس ده
فرفوشه تمسك ايد حائره: لا اله الا الله ...حكمه بنا سبحانه
وتعالى هانعمل ايه بس لازم نرضى ونقول الحمد لله ...وربنا دايما بيختار
للانسان الاحسن
حائره:ونعم بالله يافرفوشه الحمد لله على كل حال
فرفوشه:طب قومي بقى اغسلي وشك كدا ويلا بينا عشان ننام احنا من غير حاجه تعبانين من المحاضرات خلينا نريح شويه...قومي ياحبيبتي
وتاني يوم:
عشق:صباح الخير يابناتيت ياحلوين
فرفوشه:صباح الخير ياعشق
عشق:مالك ياحائره ياحبيبتي
حائره: مافيش ياحبيبتي
فرفوشه:جد فري انجل صحبتنا تعيشي انتي
عشق:لا اله الا الله....الله يرحمه
حائره:بقولكم ايه يابنات خلينا ندخل نستنى الدكتور بدل ماحنا واقفين كدا
عشق:يلا بينا
وفي الجهه التانيه:
مملكه:اخباركم يابنات عاملين ايه
دمعه:الحمد لله كويسين انتي اخبارك ايه
العاشقه:هي حائره فين ماعدناش بنشوفها
مملكه:هههه حائره خلاص ...فرفوشه كلت عقلها ونستها صحابها
دمعه:معقوله؟؟
مملكه:معقوله ونص ...مش معقوله ليه ...تخيلو وصلت بيها انها تضحك على حائره وتفهمها انها سبب المشاكل اللي هي فيها عشان تستغلها
العاشقه:كل ده يطلع من فرفوشه؟؟؟
دمعه:طب وحائره ؟؟
مملكه:حائره خلاص صدقت فرفوشه ووقفت في صفها مسكينه طيبتها مضيعاها
دمعه:طب ماحولتيش تكلمي حائره وتنوريها
مملكه:كلمتها بس مافيش فايده ...يلا هي حره بقى
العاشقه:مسير ربنا يظهر فرفوشه على حقيقتها عشان حائره تعرف
مملكه:يارب
دمعه:طب يلا بقى المحاضره بدات
وبعد المحاضرات
عشق:خلاص ياحائره ياحبيبتي صدقيني الحزن مش هايرجع حاجه ولا هايخفف حاجه ....ادعيلهاياحبيبتي وادعي لجدها ربنا يرحمه
فرفوشه:قوليلها ياختي بدل فيلم المنتحرون اللي هي عملاه ده
عشق:جرى ايه يافرفوشه خفيها شويه مش كدا
وفي الوقت ده شله فري انجل يكونو واقفين قريب منهم
سيلنت:ايه ده فرفوشه وحائره هناك اهم ماتيجو نسلم عليهم
عمرو: بقولكم ايه من اولها كدا لو هاترخمو بلاش احسن
حماده: جرى ايه ياعمرو احنا بنهزر ياعم
عمرو:خلاص يبقى مش رايح ...مش ناقصه هي
صدى:خلاص ياعمرو مش هانهزر يلا بقى
ولما يروحو
سيلنت:فرفوشه ازيك
فرفوشه:نحمده على كل حال
عمرو:مالك ياحائره فيكي حاجه؟؟
فرفوشه: ايه انتو مادريتوش والا ايه؟؟؟
صدى:درينا بايه يافرفوشه
حماده:اين عمك عمل حاجه تاني يافرفوشه
فرفوشه:لا ياخويا قطع وقطعت سيرته
سيلنت:امال في ايه بس ماتنطقي
فرفوشه:جد فري...تعيشو انتو
سيلنت:لاحول ولا قوه الا بالله
عشق:ربنا يجعلها اخر الاحزان ...طب ياجماعه انا ماشيه
سيلنت:طب ماتعرفناش
عشق:انا عشق صحبه فرفوشه ...فرصه سعيده ياجماعه...كنت اتمنى نتعرف في ظروف احسن من كدا
سيلنت:ولايهمك ياحبيبتي فرصه سعيده
عشق:يلا سلام ياجماعه اشوفكم بكرا
ولما تمشي عشق:
فرفوشه:جرى ايه ياجماعه انتو هاتقلبوها هم كدا ليه الراجل مات ندعيله بالرحمه وندعي لفري ربنا يصبرها
سيلنت:عندك حق يافرفوشه ..الله يرحمه
حائره:طيب ياجماعه احنا هانمشي بقى نشوفكم بكرا
فرفوشه:سلام عليكم
ولما يمشوا
صدى:الله يكون في عون فري احنا لازم نكلمها ياجماعه
حماده:عندك حق ياصدى لازم نقف جمبها هي واسامه
سيلنت:ربنا يرجعهم لنا بالسلامه
عمرو:طيب ياجماعه خلينا نروح بقى
وفي البيت فرفوشه تبص لحائره وجواها كلام كتير بس مش قادره تتكلم
حائره:مالك يافرفوشه في حاجه عايزه تقوليها؟
فرفوشه:بصراحه اه في كلمتين في زوري عايزه اقولهم
حائره:قولي يافرفوشه
فرفوشه:انتي بصراحه غريبه قوي مش عارفه افهمك
حائره:ليه بس دا كله؟؟؟
فرفوشه:ابدا بس اول ماجيتي كنتي
رافعه مناخيرك وعامله فيها بنت بارم ديله ويعدين لقيتك وقفتي وقفه رجاله ضد
ابن عمي ودلوقتي انتي اكتر وحده حاسه بفري وكلامك عن الموت امبارح كان كله
كلام ماتوقعتش انه يطلع منك في يوم من الايام
حائره:ليه يافرفوشه للدرجادي شايفاني ماعنديش احساس
فرفوشه:لا مش القصد بس..
حائره: ها تصدقي يافرفوشه لو قلت لك اني متعمده ابقى كدا
فرفوشه:تبقى كدا ازاي يعني ...تكرهي الناس فيكي ؟؟؟؟
حائره:عارفه يافرفوشه ...انا مش
وحده هاي وكلاسيك زي اللي ظاهر ...انا اهلي ناس بسيطه جدا...عشنا في الغربه
سنين وبابا تعب قوي لحد ماوصل للي هو فيه
فرفوشه:طب ودا دخله ايه في انك تكرهي الناس فيكي
حائره:السنين اللي فاتت دي صاحبت
ناس كتير واديتهم ثقتي ..وفي نفس الوقت هما اللي كانو بيخدعوني ويطعنو في
ظهري..خلاص يافرفوشه ماعدش في اللي يستاهل الثقه الناس دلوقتي بقت مصلحتها
فوق الكل ومش مهم تدوس على غيرها ...حتى لو كان كدب وافترى
عشان كدا قررت اني
ابقى كدا ...لوحدي ...لا اتخدع في حد ولا اخدع حد ...بس مع ذلك لسى برضو في
حجات في طبعي ماتغيرتش ...زي موقفي مع ابن عمك ...واني ماقدرتش امسك نفسي
لما كلمت فري
فرفوشه:يااااااااااااااااااااه كل دا شيلاه جواكي
حائره: مش عارفه ايه اللي خلاني احكيلك
فرفوشه:هههههههههه محسوبتك سرها باتع
حائره:ههههههههه هوده يافرفش صح كدا ...الا قوليلي يافرفوشه انتي صحيح من الارياف؟؟
فرفوشه:ومالها ياختي الارياف
حائره:مش قصدي يافرفش ...وبعدين هو في احلى من الارياف
فرفوشه:اه والله مافيش احلى من انك تصحي الفجر تفتحي الشباك تلاقي الخضره قدامك وتشمي ريحه هوا ربنا
حائره:الله يافرفوشه ...طيب قوليلي عندكم حيوانات
فرفوشه:اكيد عندنا دا مفيش اكتر منها
حائره:يعني عندكم حصان؟؟
فرفوشه:هههههههههه لا مش قوي كدا بس عندنا ابن عمه
حائره:مين؟؟
فرفوشه:الحمار يعني
حائره:هههههه اه فهمت ...طب انتي ركبتيه
فرفوشه:كتيييير دا انا ليه معاه مغامرات
حائره:بجد ؟؟طب احكيلي
فرفوشه:انا وانا صغيره كنت شقيه موت زي مابيقولو كدا معجونه بيمه عفاريت هههههههههههه
في مره كنت بلعب مع
ولاد عمي واختي اللي اصغر مني ولقينا الحمار واقف مربوط...انا طبعا
استغيليت حته ان مافيش حد من الكبار...رحت قولت لهم يلا نركبه وناخد بيه
لفه وكبرتها في راسهم
وركبو ولاد عمي التلاته وانا واختي طبعا انا الزعيمه ههههههههه ومسكت العصايه رحت ملسوعه الحمار
هههههههههه فجاه الحمار جري وراح موقعنا كلنا واحد ورا التاني يومها كلنا انضربنا هههههههههههههههه
حائره:ههههههههههه يخرب عقلك يافرفوشه هههههههه وهما انضربو بسببك ادي اخره اللي يسمع كلامك ههههههههههه
اما من ناحيه تانيه
عمرو قاعد في قوضته وبيفكر في نفسه ويقول:
جد فري...د احنا اللي احنا صحابها ماعملناش كدا ..اكيد حائره دي وراها سر كبير وهاعرفه يعني هاعرفه
ويبص للموبايل :انا هاتصل عليها...اتطمن عامله ايه دلوقتي
عمرو:الو...
حائره:اهلا عمروازيك
عمرو:الحمد لله انتي اخبارك ايه دلوقتي
حائره:كويسه
عمرو:حبيت اتطمن عليكي ..لان شكلك النهارده كان متضايق قوي
حائره:هو اللي حصل دا شويه؟
عمرو:لا ابدا مش قصدي بس
حائره:فاهمه قصدك....بس تقدر تقول الفراق بيوجعني قوي وفكره ان الموت بياخد حد حتى لو كان مش قريبي بيأثر فيا جامد
عمرو:حائره....
حائره:ايوا ياعمرو
عمرو:انتي انسانه جميله قوي
حائره:مرسي ياعمرو على كلامك الرقيق ده
عمرو:صدقيني مش بجاملك دي الحقيقه فعلا
حائره:مرسي
عمرو:اوك حبيت اتطمن عليكي يلا مش هاطول عليكي اكتر من كدا
حائره:شكرا على سؤالك ......باي
لما تقفل حائره الخط تبصلها فرفوشه
حائره:مالك بتبصيلي كدا ليه
فرفوشه بدلع: هييييييييييه ابدا ياختي
حائره:تعرفي عمرو دا طلع طيب قوي بيتصل عشان بتطمن عليا
فرفوشه : اقطع دراعي من هنا ان ماكان بيحبك
حائره:ايه اللي انتي بتقوليه ده ....لا طبعا
فرفوشه :بكرا تشوفي ياختي
اما عمرو لما قفل
ايه اللي انا فيه
ده ....ليه شاغل بالي بيها كدا ....ليه دايما احس اني عايز اكلمها ..ليه
مابصدق أي فرصه تيجي عشان اتصل عليها ..معقوله عادي ..معقوله الشله حاسيين
اني فعلا مشدود لها ..معقوله يكون حب لالالالالالا حب ايه ده انا بس عشان
مش عارف افمها فبحاول اقرب منها اكتر قال حب قال هههههه
تاني يوم في الكليه
فرفوشه:ازيك ياعشق ...ايه يابنتي انتي امبارح مادصقتي خدتي ديلك في سنانك وقولتي يافكيك
عشق:لا والله يافرفوشه بس انتي عارفاني مش بحب اتأخر
حائره:جرى ايه يافرفش ماتسيبيها براحتها
وفجاه الشله يجو
حماده:صباح الفل ياحلوين
فرفوشه:ايوا ياخويا قول فل وورد وياسمين واعملنا حديقه
سيلنت:ههههههههه يالهوي عليكي يافرفوشه دايما كدا مش هاتتغيري
عشق:اه والله ياجماعه فرفوشه دايما كدا
حماده:بس بصراحه دي اجمل حاجه فيها يعني هو احنا خدنا ايه من النكد
فرفوشه:الله اكبر الله اكبر
ع:مروهههههههههه جرى ايه ياحجه انتي هاتصلي والا ايه
فرفوشه:ههههه لا ياخفه انا اهدبح حد قريب
سيلنت:اوباااا خد بالك ياعمرو دي ناويه عليك
صدى:هاتوحشنا ياعمرو قوي
سيلنت:ماكنش يومه دا كان طيب
فرفوشه:معليش ياجماعه مادايم الا وجه الله
حماده:هههههه حلو قوي جو مدرسة المشاغبين ده
حائره:طب مش يلا بقى عشان المحاضره
عمرو:حائره عندها حق المحاضره بدات يلا بينا ونتقابل بعد المحاضرات
فرفوشه في نفسها***:المحاضره اللي بدات ولا انت اللي ماصدقت حائره تقول كلمه وانت تقولها امين
وبعد المحاضره
فرفوشه :ياااه المحاضرات بقت رخمه قوي
حماده:اه والله ربنا يقوينا ويعدي السنادي على خير
سيلنت:امال فين صدى
عمرو:مش عارف كانت معانا واحنا خارجين
سيلنت:اهي جت اهيه
وتيجي صدى وباين عليها انها متفاجأه من حاجه
ياترى صدى مالها ايه اللي اخرها عن الشله وايه اللي فاجأها كدا؟؟؟؟؟؟؟؟؟؟
| 
موضوع: روايه لما نعشق القمر لما يجمع الصحاب؟؟؟؟؟؟الحلقه الثامنه 
الجمعة مايو 20, 2011 8:43 am
