ملكه الحب والغرام
Admin
عدد المساهمات : 432
تاريخ التسجيل : 14/05/2011
العمر : 38
الموقع : مملكه الحب والغرام
 |  موضوع: روايه لما نعشق القمر لما يجمع الصحاب؟؟؟؟؟؟الجزء التاسع  الجمعة مايو 20, 2011 8:44 am | |
|
الحقله الل9
حماده :مالك يابت في ايه؟
سيلنت:ماتستنى شويه ياحماده خليها تاخد نفسها
صدى:انتو عارفين انا شفت مين؟
عمرو:شوفتي مين اخلصي
فرفوشه:بقولك ايه ماتخدوها قلمين بالمره.......ماتصبرو ياجماعه خليها تتكلم
حماده:ادينا ساكتين هاياصدى قولي شوفتي مين ياختي
صدى:شوفت ميزو
سيلنت برتباك:ميزو مين؟؟
عمرو:انتي بتتكلمي بجد؟؟؟ طب هو فين
صدى:اه والله بتكلم بجد
حائره:طب ياجماعه نسيبكم احنا تتفاهمو ....يلا يافرفوشه
عمرو:ليه بس انتو مش اغراب ولا حاجه انتو من الشله
حائره:لا معليش احنا اتأخرنا يلا بقى سلام
ولما تمشي حائره وفرفوشه
حماده:ها ياصدى قولي ماجاش معاكي ليه
صدى:اصله قالي انه مستعجل وسألني عنكم وقالي انه بكرا هايجي يقعد معانا
سيلنتفي نفسها**ياترى رجعت ليه تاني ياميزو
عمرو:ايوا ياعم ميزو رجع مين قدك ياختي
سيلنت:تقصد ايه؟......ميزو خلاص وبعدين دي كانت حكايه وانتهت
حماده:بأماره ايه ياختي ...باماره مارتبكتي لما سمعتي اسمه
سيلنت:انا مارتبكتش ...وبعدين فعلا خلاص انا من بعد الاجازه مابدات ماعرفش عنه حاجه ولو فعلا فاكرني كان سأل عني
عمرو:عموما هو جاي بكرا ونبقى نشوف هو فاكرك والا لا
اما فرفوشه وحائره لما روحو البيت
حائره:مالك يافرفوشه بتبصيلي كدا ليه ...في ايه تاني عايزه تقوليه
فرفوشه:ياسلام ياختي...يعني انتي ماخدتيش بالك النهارده
حائره:خدت بالي من ايه ؟؟
فرفوشه:ايوا اعمليهم عليا اعمليهم ....من سي روميو بتاعك
حائره:ماله عمل ايه تاني
فرفوشه:يعني ماخدتيش بالك انه كان ساكت ولما قولتي يلا نروح المحاضره ...ماصدق على طول وقال امين
حائره:عادي يعني يافرفوشه
فرفوشه:طب بلاش دي ...لما قولتي هانمشي قالك ليه بس انتو مش اغراب ولا حاجه
حائره:فرفوشه على فكره انتي دماغك بتروح لبعيد قوي
فرفوشه:شوفي ياختي البت يعني انا اللي دماغي بتروح لبعيد....ولا انتي اللي مش عايزه تفكري
تمسك حائره واحد من دباديبها وترميه على فرفوشه
فروفشه بتريقه:كدا ياظالمه يامفتريه ترمي ابنك ياللي ماعندكيش قلب
حائره:لا والله....
فرفوشه تبص على الدبدوب وتقوله :معليش ياضنايا امك قاسيه هانعملها ايه بس
حائره:ههههههههه فرفوشه اتلمي
فرفوشه:ليه ياختي شيفاني متبعتره والا ايه .....طب هاتي صوباعي من عندك بقى عشان اتلم على بعضي
تمسك حائره المخده وترميها على فرفوشه وتقولها يعني انتي مافيش فايده فيكي
وتفضل فرفوشه وحائره يرمو على بعض بالمخدات ويضحكو لحد مانامو من التعب
وتاني يوم الصبح:
عشق :اخبارك يافرفش عامله ايه
فرفوشه:عامله كنافه ياختشي
عشق:هههههههه لا انتي رايقه النهارده ع الاخر
حائره:هههههههه فرفوشه على طول رايقه
فرفوشه :اه احسدي ياختي احسدي
حائره:انا برضو اللي هاحسدك مااااااااشي
فرفوشه بكل خباثه:الا قوليلي ياختي فين روميو ماشفناش سنحته البهيه ليه لحد دلوقتي
حائره:فرفوشه .....لمي نفسك بدل ماتنضربي
عشق:ههههههههههه ايه ده انتي عديتيها والا ايه يافرفش الاسلوب ده مش اسلوب حائره خالص
فرفوشه :لا ياختي اسلوبها ...وبعدين مايغركيش الهاي والباي بتاعها ياما تحت السواهي دواهي ياختي
حائره:طيب ياختي بدام كدا يلا على محاضرتك انتي وهي بدل ماتنضربو يلا قدامي انتي وهي
اما الشله:
سيلنت في نفسها**يارب ميزو مايجيش دلوقتي انا مش ناقصه ع الصبح انا عايزه اركز في المحاضره يارب عديها على خير
عمرو:جرى ايه ياحجه سرحانه في ايه
حماده:اكيد طبعا في ميزو هو في غيره
سيلنت:لا طبعا ..وانا هاسرح فيه ليه ان شاء الله
صدى:هو انتو دايما كدا مابتصدقو حد يسرح وتمسكوه
حماده:مسيرك ياختي تسرحي ونمسكك
صدى:بعد الشر عليا ان شاء الله انت ياحماده
عمرو:ههههههه محسسني انه موت
حماده:اه طبعا مانت مش هتقول غير كدا لانك واقع لشوشتك
عمرو:بقولك ايه بلاش نقلبها ع الصبح
سيلنت:خلاص ياجماعه لانقلبها ولا نعدلها يلا بينا ع المحضره احسن
اما مملكه:
دمعه :على فكره المحاضرات بقت تقيله قوي
العاشقه:اه والله عندك حق يا دمعه لازم نشد حيلنا والا ايه يامملكه
مملكه:فعلا لازم نشد حيلنا ....بس انا الايام دي كل تفكيري في حائره...دي مابقتش تسأل خالص
دمعه :طب حاولي تكلميها تاني
مملكه:هو دا اللي هايحصل ان ماكنش النهارده يبقى بكرا
العاشقه:يارب تطلعي بفايده وتقتنع
ولما خلصت المحاضرات
صدى:ايه ده بصومين هناك....ميزو اهه
سيلنت في نفسها**:استر يارب وعديها على خير ....امسكي نفسك ياسيلنت وخليكي عادي ...ريلاكس
عمرو ينادي ميزو ولما يجي
عمرو:ازيك ياعم واحشنا والله كنت فين
ميزو:وانت اكتر انت والشله ...ازيك ياحماده
حماده:الحمد لله ,,,واحشني والله
يبص ميزو لسيلنت ويقولها:ازيك
سيلنت:ازيك ياميزو
سيلنت في نفسها**:ايه اللي خلاك تيجي تاني ياميزو انا ماصدقت بدات انساك..بس انت اللي بدات ونسيتني
ميزوفي نفسه**وحشتيني ياسيلنت انا عارف اني بعدت بس عمري مانسيتك ولا قدرت
عمرو:صدى اول ماقالت لنا امبارح ماكناش مصدقينها
صدى:ايوا انا دايما كدا مظلومه
ميزو:هههههههه والله انتي اللي طيبه ومش عارفه توقفيهم عند حدهم ياصدى
صدى:اعمل ايه بس قلبي طيب
عمرو:قلبك طيب ....ياعيني يابنتي
حماده يلاحظ ان سيلنت وميزو كل واحد فيهم جواه كلام للتاني
حماده يغمز لعمرو:طيب ياعمرو مش يلا بينا عشان نجيب الحاجات اللي قولت عليها
عمرو:اه صح كنت هانسى يلا ياصدى تعالي معانا
صدى:بس انا مش عايزه حاجه
حماده:يلا ياختي قدامي
ولما يمشو وتفضل سيلنت وميزو
ميزو:عامله ايه ياسيلنت
سيلنت:الحمد لله كويسه
ميزو:والدراسه في الجامعه خدتي عليها والا لسى.؟
سيلنت:هات من الاخر ياميزو اختصر عليك وعليا الطريق..عايز مني ايه تاني
ميزو:عايز اقولك اني ماقدرتش انساكي ...في كل لحظه وانتي بعيده عندي ماقرتش مافكرش فيكي
سيلنت:انت
اللي بعدت مش انا ..انت اللي عذبت نفسك وعذبتني ...مافكرتش غير في نفسك
ومصلحتك .....فكرتش لحظه في اللي قلبها معاك ....مافكرتش فيا وفي حالي
ميزو:كان غصب عني ...سيلنت انا
سيلنت:انت اناني ياميزو
ميزو:سيلنت
اسمعيني ..اخر مره اتخانقنا فيها كنت بعند مع نفسي كنت بقول اني هاقدر
انساكي لكن كنت بتعذب كل يوم ماكلمكيش فيه او اعرف اخبارك وجه سفري بعدها
كان غصب عني ماقدرتش اقول لابويا لا ...بس عمرك ماغبتي من بالي
سيلنت:وايه المطلوب مني دلوقتي؟
ميزو:سامحيني.....كفايه عذاب بقى...انا متاكد انك
سيلنت:ماعدش ينفع ...وانت السبب ياميزو
ميزو:ربنا بيسامح
سيلنت:ربنا يسامحك .....انا مطره امشي
وتمشي سيلنت وهي مابتردش على ميزو وهو بيناديها وقبلها بيتقطع على كل يوم افتكرته معاه وبتقول في نفسها رجعت ليه ياميزو
اما عمرو وحماده وصدى
حماده:ايه انتي عمرك ماهتفهمي عمال اغمزلك وانتي ولا انتي هنا
صدى:يعني كنت هافهم ازاي بقى
عمرو يلمح فرفوشه وحائره واقفين مع بعض
عمرو:طيب ياجماعه يلا بقى استأذن انا
حماده:مااااشي اذنك معاك ياخويا واحنا كمان مروحين يلا ياختي
فرفوشه تلمح عمرو وهو جاي عليهم
فرفوشه:اهلا الحج روميو بتاعك اهو شرف اهو
حائره:طب لمي الدور بقى يافرفش
ولما عمرو وصل
عمرو:ازيك ياحائره .....ازيك يافرفوشه
فرفوشه:بخير ياخويا....خير.؟
عمرو:اطلعي منها ياختي وهي تعمر
فرفوشه:وهو يعني طول مانت فيها هاتعمر
حائره:خلاص يافرفش ....هايعمر و كنت عايز ايه
عمرو:كنت....كنت عايزك على انفراد
فرفوشه تقرب من حائره وتقول بصوت واطي:جالك كلامي ياختي اشربي بقى
حائره تغمز لفرفوشه :طب يافرفش اسبقيني انتي على البيت
فرفوشه:الله الله الله وبقيتي تتوزعي يافرفش وعشان مين عشان روميو بتاع الكشكول
عمرو:اسمي عمرو احفظي بقى
فرفوشه بصوت عالي: عمرو ...عمرو....عمرو
عمرو:خلاااااص انا اسف انسيه
فرفوشه:الله ...ماترسيلك على بر
عمرو:ماتمشي بقى تك خابط
فرفوشه ترفع حاجب وتطلع لسانها:ماجانيش ...ماجانيش ماجانيش
حائره:خلاص يافرفش ياحبيبتي روحي بقى
فرفوشه:طيب ياختي ....الا قوليلي هاتتغدي ايه عشان اعمل حسابك
عمرو:انا عازمها روحي بقى
فرفوشه:مااشي مااااااشي روحو ان شاء الله تزورو
حائره:حاضر يافرفوشه حسابك معايا بعدين
فرفوشه:حساب
ايه يام حساب بالك انت ياعمرو الحساب بتاعها عامل ازاي ..بترمي عليا واحد
من عيالها اللي مترصصين على السرير هههههههههه ياشيخه روحي قال حساب قال
حائره:خلاص يافرفوشه روحي بقى
فرفوشه:والله انتو شبه بعض على راي المثل تنتون وتنتن
تلاحظ فرفوشه انها هاتنضرب وتسحب نفسها وتمشي
اما مملكه
فتكون ماشيه وتلمح عمرو مع حائره وتقول في نفسها.الله الله خلصنا من فرفوشه
طلع لنا عمرو اما نشوف اخرتها معاكي ياحائره....يلا انا هاكلمها بكرا احسن
اما عمرو وهو مع حائره
حائره:ماتزعلش من فرفوشه هي كلامها دبش بس قلبها طيب
عمرو:صدقيني انا مازعلتش منها انا عارف انها بتهزر
حائره في نفسها**:عايز مني ايه ياعمرو معقوله تكون فرفوشه معاها حق
عمرو في نفسه**:نفسي اعرف انا عايز منك ايه ...كل اللي اعرفه اني عايز اكلمك على طول
ولما يوصولو ويقعدو
عمرو:حلو قوي المكان ده
حائره:اه فعلا حلو
حائره في نفسها**:يعني انت جايبني هنا عشان تقولي كدا
عمرو: تعرفي ان كل اللي بيجو هنا بيبقو مخطوبين او بيحبو بعض
حائره:اه فعلا مكان رومنسي وهادي
عمرو:طب ممكن اسالك سؤال
حائره في نفسها**:ربنا يستر
اتفضل
عمرو:عمرك حبيتي قبل كدا؟
حائره:حبيت مره وعدت....كان واحد مايستهلش واهي خلصت
عمرو:يعني خلاص ماعدش في امل تاني للرجوع
حائره:مستحيل افكر فيه تاني ...لانه زي ماقولت لك مايستاهلش
عمرو:كل شئ نصيب
حائره:طيب وانت حبيت قبل كدا
عمرو:انا
حبيت وحده لدرجه اني بقيت مجنون بيها ..بس هي ماكنتش بتحبني...تقدري تقولي
كانت بتتسلى وعرفت تمثل عليا دور الحب صح ...حتى دموعها كانت بتمثل
حائره:للاسف هو دا الواقع اللي احنا عايشين فيه ماعدش حد قد الثقه
عمرو:طيب مافكرتيش تحبي تاني
حائره:لا خلاص ماعدتش قد صدمه جديده
عمرو:طيب مايمكن تصيب المرادي
حائره:اديك قولتها يمكن ...وانا مش عايزه ابقى في تجربه تانيه محتمل تخسر
ولما يخلصو غدا
حائره:يلا انا هامشي بقى مرسي ع العزومه دي
عمرو:طب ماتيجي اوصلك
حائره:لا معليش انا هاعدي ع السوق اجيب حاجه وبعدين اروح
عمرو:خلاص ماشي ...يلا اشوفك بكرا
ولما حائره ترجع البيت
فرفوشه:اهلا ياختي منوره
حائره:دانورك ياختي
فرفوشه:اخبار الحج روميو ايه
حائره:بيسلم عليكي
فرفوشه:ها حصل ايه في العزومه المبجله دي
حائره:كل خير ياختي
وتقعد حائره تحكي لفرفوشه عن اللي حصل ولما تخلص
فرفوشه:جميل خالص...عشان تاني مره تصدقي
حائره:تعرفي يافرفش...انا زعلت قوي لما قالي عن اللي كان بيحبها
فرفوشه بدلع:ياحنينه انتي
حائره تمسك المخده وترميها على فرفوشه:انا كل مره اقول اني غلطانه لما بكلمك بس برجع واتكلم معاكي تاني
فرفوشه:ههههههههههه انا فرفش والاجر على الله يعني لا أي أي ولا زي وي
حائره:اه صحيح فكرتيني ايه المثل اللي قولتيه اخر حاجه وانتي ماشيه
فرفوشه:ااااه قصدك تنتون وتنتن
حائره:بقى انا تقولي عليا انا كدا ماااااااااشي
ويفضلو يتخانقو بالمخدات ويضحكو وفجاه يسكتو الاتنين ويقولو في نفس واحد"تيجي نبقى صحاب بجد"
ويرجعو يضحكو تاني هما الاتنين ويقولو في نفس واحد "ماشي"
فرفوشه:هههههههههههه اما احنا والله نكته
حائره:اه والله عندك حق.......فرفوشه
فرفوشه:نعمين
حائره:غمضي عينك
فرفوشه:ليه؟
حائره:غمضي بس
فرفوشه:طيب اغمض عين وافتح التانيه
حائره:غمضي بقى بلاش غلاسه ...غمضي لافعقهملك
فرفوشه:خلاص ماتزقيش.....انا قولت من الاول سفاحه ماحدش صدقني
وتغمض فرفوشه عينها
ياترى حائره غمضت عين فرفوشه ليه...؟؟؟؟
| 
|
| |
|
