ملكه الحب والغرام
Admin
عدد المساهمات : 432
تاريخ التسجيل : 14/05/2011
العمر : 38
الموقع : مملكه الحب والغرام
 |  موضوع: روايه لما نعشق القمر لما يجمع الصحاب؟؟؟؟؟؟الجزء21  الجمعة مايو 20, 2011 8:58 am | |
|
حائره:بابا؟؟؟؟؟؟؟؟؟؟؟؟؟
والدها:بو لما يبقى يلهفك....هو انتي كنتي خليتي فيها بابا
امها:ايه خير في ايه صوتك عالي كدا ليه
والدها:تعالي شوفي بنتك واخر تربيتك ليها
امها:في ايه بس
والدها:الهانم مستغفلانا ومشيالي مع واحد قال ايه بتحبه
امها:صحيح الكلام دا ياحائره
حائره:ايوا......عمرو بيحبني وانا بحبه وهو اللي قالي اقولكم عنه وهايخطبني اول مايتخرج
والدها:شوف بجاحه البت وقله ادبها ...وبكل قوه عين تقول بحبه
فجأه يرن الموبايل
والدها:طبعا مش هاتردي ....ماهو حبيب القلب مش هاتعرفي تاخدي راحتك معاه
حائره:يابابا ارجوك اسمعني
والدها:انتي اللي تسمعي ......من النهارده مافيش موبايلات ....ولا جامعه ولا خروج من اصله .....اظاهر اني اديتك ثقه مانتيش قدها
حائره:ازاي مافيش جامعه...دا اخر اسبوعين وبعدهم امتحانات وكمان دي اخر سنه
والدها:انتي
تحمدي ربنا انها اخر سنه وان كان على الاسبوعين مفش لازم تروحيها اما
الامتحانات هاوديكي انا واجيبك ....وماعدش في كلام تاني ....
والدها اخد الموبايل وسابها وخرج
اما حائره انهاردت من العياط
امها:كدا ياحائره .....دي اخرت تربيتي فيكي
حائره:ياماما والله عمرو بيحبني ....وانا عمري ماعملت حاجه غلط .....زي مانتو فاكرين
امها:يابنتي الشباب مالهم شامان مش كل من قال كلمه حلوه نصدقه
حائره:انا مش هبله ولا مجنونه عشان اصدق أي حد يقول كلمه حلوه....عمرو انا حساه قوي وبعدين لو بيتسلى ماكانش قالي اقولكم
امها:ومن امتى الكلام دا
حائره:من اول سنه في الكليه ....انا ماعدتش اقدر اتخيل حياتي من غيره.......عمرو غير في حياتي كتير قوي
امها:لو صحيح بيحبك زي مابتقولي اكيد هايعمل أي حاجه عشانك
حائره:طب وبابا
امها:ابوكي عايز مصلحتك ...ولو هو فعلا بيحبك ابوكي هايعرف ومش هايقف قدام سعادتك
حائره:يارب
اما عمرو فكان هو اللي بيتصل على حائره
عمرو:يارب
استر ...من شويه كان بيرن ودلوقتي غير متاح ....دي اول مره تعملها
....اكيد ماعرفتش ترد ...يعني هايكون ايه غير ان حد جمبها ....بقى ياحائره
حبكت تقفلي الموبايل دلوقتي ..دا انا كنت جايبلك خبر حلو.....امري لله بكره
هاقولك ......بس انا قلبي مقبوض.....يارب استر
وتاني يوم بعد المحاضرات
فرفوشه:عمرو.....هي حائره ماجاتش النهارده والا ايه
عمرو:اظاهر كدا ....انا بتصل عليها من الصبح غير متاح
فرفوشه:وانا كمان
فري:ياجماعه ماتقلقوش ان شاء الله خير
فرفوشه:خير منين دي اول مره تحصل ....دي عمرها ماقفلت المحمول
اسامه:مايمكن يكون خلص شحن
مانجا:ايوا ..اسمامه عنده حق
عمرو:لا انا قلبي مش مطمن انا حاسس ان في حاجه
فرفوشه:وانا كمان قلبي واكلني عليها
حماده:في
ايه ....انتو هاتفولو عليها والا ايه .....خير ان شاء الله ...يلا بس
كلنا نروح دلوقتي ...وانت ياعمرو انت وفرفوشه....اتصلو عليها لما تروحو
البيت وهي اكيد هاترد....وابقى طمنونا .......يلا سلام
فرفوشه في نفسها:لا والله ....عمرك ماهاتحس بينا ياحماده.....لحد امتى هاتفضل في عالم لوحدك ....يلا ربنا يهدي
فرفوشه رجعت البيت وفضلت تتصل على حائره لحد مافقدت الامل انها هاتفتح موبايلها
وفجاه رن موبايل فرفوشه برقم غريب
فرفوشه:الو .....
حائره بصوت واطي:الو ...ايوا يافرفش
فرفوشه:مين؟؟
حائره:انا حائره يابنتي
فرفوشه:انتي فين ياموكوسه ....انا مش قولت لك تعالي بدري ....تقومي تغيبي
حائره:اسمعي بس يافرفش
فرفوشه:خير يابت في ايه
حائره:بابا عرف موضوع عمرو....وخد مني الموبايل...وقالي مافيش جامعه الا في الامتحنات ....وهو كمان اللي هايجبيني ويدوديني
فرفوشه:يانهار طين....وبعدين
حائره:قولي لعمرو مايتصلش لان الموبايل مع بابا ..
فرفوشه:ودا رقم مين
حائره:رقم اختي
فرفوشه:طب والمحاضرات
حائره:هابقى اخدها منك
فرفوشه:ماشي ولا يهمك.......بس خدي بالك من نفسك وماتشيليش هم .....هاتوحشيني قوي.......يلا سلام ياحبيبتي
ولما قفلت فرفوشه
فرفوشه:يالهوي
....اهو دا اللي ماعملناش حسابه.....ربنا يستر.....والله اللي هايموت من
القهر في الموضوع دا كله عمرو....يلا ادي الحب وسنينه ماحدش بيرتاح
تاني يوم بعد المحاضرات
عمرو:اهي حائره ماجتش النهارده كمان
فرفوشه:هههههههههه طب مانا عارفه
صدى:وبتضحكي؟؟؟؟ امال لو ماكنتش صحبتك
عمرو:لا ...بدام ضحكت كدا يبقى اكيد عرفت حاجه طمنتها
فرفوشه:والله انت اللي فاهمني
عمرو:ياغلسه....وساكته من الصبح ماتقولي
فرفوشه:اصل ابوها قفشها عقبال عندك...وقالها مافيش جامعه لحد الامتحانات وكمان هو اللي هايجيبها ويوديها
فري:يااااه ..معقوله
عمرو:طيب وهي كويسه يافرفوشه؟
فرفوشه:ايو كويسه وعال العال ..وااااااااانا هاشوفها واديها المحاضرات
عمرو:خلاص عرفنا انك هاتشوفيها ....تك خابط
فرفوشه:لللللللللللللللللللللللا......ماجنيش ...ماجنيش
اسامه:هههههههههههه مهما حصل مش هاتتغيري يافرفوشه....صح ياحماده
حماده:ها.......اه طبعا طبعا
فرفوشه:لا دانت في البطاطا خالص
حماده:بطاطه ايه مانا برد اهه
صدى:مالك ياحماده ...انت عصبي كدا ليه
حماده:ييييييييييييييييييييه انتو هاتعصبوني بالعافيه...انا ماشي
ومشي حماده قبل ماحد يلحق يرد عليه
عمرو:معليش يافرفوشه اكيد في حاجه مضايقها
فرفوشه:معليش ...انا مش زعلانه منه تلاقي موضوع الامتحانت دا قالقه ...يلا انا ماشيه
عمرو في نفسه:امتحانات؟؟؟؟ والله انتي طيبه قوي يافرفوشه ....حماده عمره مافكر في امتحانات...ربنا يستر ياحماده ...ومايطلعش اللي في بالي
مشيت فرفوشه شويه وعمر و لحقها
عمرو:فرفش
فرفوشه:ايون
عمرو:بقولك ايه
فرفوشه:عارفه ..عايز تكلمها
عمرو:عايز اسمع صوتها واتطمن عليها
فرفوشه:بص ياعم الحج انا عندي فكره تخليك تكلمها
عمرو:ها ...اشجيني
فرفوشه:هو انا لسى هاشجيك...استنى كدا.......
عمرو:بتعلمي ايه
فرفوشه:ياخويا اصبر على رزقك ياباي عليك
عمرو:خلاص ماتزقيش ...اما نشوف
طلعت فرفوشه الموبايل واتصلت على رقم اخت حائره
فرفوشه:الو....ازيك ياختي عامله ايه......هي حائره عندك....طب اديهاني .....عشان هاحدد معاها كام حاجه كدا.....ماشي ....الو ايوا ياختي
حائره:عامله ايه يافرفوشه
فرفوشه:بقولك ايه...روحي مكان بعيد واعملي نفسك بتجيبي الكراسه
حائره:حاضر استني اما اشوف كراسه المحاضرات عشان اتابع معاكي...............ايوا يافرفش
عمرو:وحشتيني
حائره:هههههههه.......وانت كمان
عمرو:ماتخافيش ان شاء الله خير...المهم تشدي حيلك في المذاكره ...وتاخدي بالك من نفسك
حائره:وانت كمان خد بالك من نفسك
عمرو:انا كلمت بابا وهو قالي انجح وسيب الباقي عليا
حائره:بجد
عمرو:ايوا ....وان شاء الله خير....احنا املنا في ربنا كبير وهو مش هايضيعنا
حائره:طب يافرفش...لو في حاجه تانيه ابقي قوليلي
عمرو:هههههه شكلك حلو وانتي مزنوقه ...هههههه يلا لا اله الا الله.....
قفل عمرو وهو مبتسم
فرفوشه:ها ياخويا ارتحت
عمرو:انتي عسوله يافرفش
فرفوشه:اه ....كلني بالكلام ....هات يابني تمن المكالمه
عمرو:بس كدا.....من عنيا
فرفوشه:ايييييه...انت ماصدقت...انا بهزر ايه مابتهزرش
عمرو:ههههه لا بهزر ياختي....يلا بقى سلام
وبعدها مرت الايام على نفس الحال
حائره في البيت
وفرفوشه وعمرو :كانو بينسقو المحاضرات عشان تبقى سهل عليها
اما حماده فضل يبعد عن فرفوشه يوم بعد يوم
وجت الامتحانات
وحائره باباها كان بيجي معاها
وعمرو كان يشوفها من بعيد ويتمنى لو يقدر يسلم عليها بس
والكل شد حيله عشان دي اخر مره هايمتحنو فيها وبعدها هايودعو الدراسه للابد
وفي اخر يوم
ميزو:يااااه اخيرا خلصنا وماعدش في دراسه تاني
اسامه:يابختكم انا وفري ومانجا لسى قدامنا سنه
عمرو:يلا هانت الايام بتجري بسرعه
فري:بجد هافتقدكم قوي ياجماعه
صدى:انتو هاتخلوني اعيط
حماده:هههههه لا لا اعملي معروف....انتي لو عيطتي مش هانعرف نسكتك
سيلنت:تصدقو ياجماعه اللم هدي ناقصها حائره
فرفوشه:اه والله ياختي البت دي وحشتني قوي القعده معاها
عمرو:يااااسلام ياختي مانتي كنتي بتشوفيها وتقعدي معاها
فرفوشه:قر بقى قر.....ما الق ردا اللي مودينا ورا الشمس
عمرو:لا قر ولا غيره....بكرا تشوفي لما اخطبها ...ماهاتشوفي شعره منها
فرفوشه:اما نشوف ياخويا
فري:عقبالك ياحماده انت وفرفوشه لما تتخطبو
حماده:اه....ان شاء الله
صدى:ايه مالك انت مش ناوي ولا ايه
عمرو في نفسه:والله اشك ...دا حماده....ربنا يستر
عمرو:بقولكم ايه ياجماعه .....ايه رأيكم لو نتفق في يوم نخرج كلنا مع بعض ونحتفل بمناسبه اننا خلصنا
اسامه:فكره حلوه ياعمرو.....على الاقل نكون ريحنا اعصابنا بعد الشد هدي
عدى اسبوع بعد الامتحانات وقررت الشله تحتفل في الحديقه الدوليه والكل حضر....وحائره راحت مع اختها بعد مااقنعت ابوها بالعافيه
وفي الحفله
سيلنت:على فكره ياجماعه عندي ليكم مفجأه
اسامه:ها قولي فرحينا
ميزو:انا وسيلنت اتخطبنا رسمي
صدى:بجد؟؟؟؟؟؟.....الف مبروك
فري:مبروك ايه.....ايه النداله دي ماقولتولناش ليه
سيلنت:ماهو احنا هانعزمكم في الفرح بقى
مانجا:بجد الف مبروك ياسيلنت انتي وميزو
فرفوشه:والفرح امتى ان شاء الله
ميزو:الشهر اللي جاي ده لا اللي بعده...تكون النتيجه طلعت
عمرو:ايوا ياعم مانت جاهز متجهز مين قدك
اسامه:ايه ياعم انت هاتقر والا ايه ...ماتصلي ع النبي
عمرو:انا .....هاقر على ميزو برضو دا صحبي
....يلا الف مبروك
صدى:وانتي يافرفش هاتسافري امتى؟
فرفوشه:انا هاقعد عند عمتي لحد مالنتيجه تطلع واهي تلكيكه عشان احضر الفرح
عمرو:عين العقل يافرفش
ويقرب لفرفوشه ويقولها بصوت واطي:ابوس ايدك ابعدي عنها اختها عشا اعرف اكملها كلمتين على بعضهم
فرفوشه:ماشي.....تدفع كام
عمرو:مش وقته هزار انجزي
فرفوشه:طب خلاص ماتزقش
وتغمز فرفوشه لصدى:انا عايزه اركب القطر دا تيجي معايا ياصدى
صدى:ا ه يلا نركبه
وتغمز صدى لحائر
حائر:لا ياجماعه انا بخاف معليش
صدى:خلاص هاناخد اختك بدالك
اخت حائر:لا اصل.....
فرفوشه:ولا اصل ولا فصل هاتيجي معانا وهاتركبي جمبي يلا
مانجا:لا ياجماعه انا بخاف والله
حماده:وانا كمان اصلي بدوخ
فرفوشه:عموما احنا هانركب يلا
وراح يركبو وفضلت حائره وعمرو ...ومانجا وحمادا
وطبعا عمروماصدق الكل يمشي وراح اخد حائره وراحو يتمشو
حائره:وانت ماتتصورش وحشتني قد ايه
عمرو:هانت ..انا بس مستني النتيجه واتأكد من موقف الجيش وهاجيب بابا واتقدم لك ان شاء الله
اما حماده راح لمانجا
حماده:على فكره اسمك جميل قوي
مانجا:مرسي
حماده:بجد مش مجامله ..انا مابعرفش اجامل
مانجا:دا بس من زوقك
حماده:هو انتي اكبر اخواتك
مانجا:لا انا اخر العنقود
حماده:اخر العنقود سكر معقود
مانجا:ههههههه لا انت شاعر بقى
حماده:اللي يشوفك لازم يكون شاعر
وفضل حماده يتغزل في مانجا
وعمرو وحائره في عالم تاني لوحدهم
وخلصت اللعبه والكل نزل وفضلو يدردشو شويه وبعدها روحو
ياترى ايه اخرتها مع حماده ومانجا
وعمرو وحائره هايوصو لايه
نعرف كدا في الحلقه الجايه | |
|
