ملكه الحب والغرام
Admin
عدد المساهمات : 432
تاريخ التسجيل : 14/05/2011
العمر : 37
الموقع : مملكه الحب والغرام
 |  موضوع: روايه لما نعشق القمر لما يجمع الصحاب؟؟؟؟؟؟الحلقه السابعه عشر  الجمعة مايو 20, 2011 8:53 am | |
| لحلقه 17
مشيت شمس وهي بتقول في نفسها***ها تشوف ياحماده انا هاعمل ايه...ماهو انت لو ماكنتش ليا مش هاتكون لغيري ..والا هو انت تحب وانا اتعذب..اشرب بقى
اما فرفوشه فحاولت تتمالك نفسها عشان ماحدش يحس بحاجه ورجعت لحائره وعشق
حائره:هايافرفش مين دي وعايزه منك ايه
فرفوشه:اهي بلاوي بتتحدف علينا وخلاص
عشق:طب عايزه ايه
فرفوشه:ابدا ياختي ..مش عارفه عرفت منين اني جبت جيد جدا وعايزه تاخد مني المحاضرات وتذاكر معايا
حائره:وماجتش عندي ليه مانا كمان زيك
فرفوشه:ماهو
هي لو جات لك هاقول ليه ماجتليش عادي يعني...وبعدين تلاقي الخبر
ماوصلهاش.....اساسا ياماما الناس العباقره اللي زيي بيتعرفو من السنحه
بتاعتهم من اول نظره
عشق:هههههههههههههه طيب انا هاسيبك ياعبقرينو انتي وحائره واروح اصل خطيبي جاي النهارده
حائره:ياعيني ياعيني
فرفوشه:ايوا ياختي روحي لطخي وشك بالاحمر والاخضر
عشق:ليه ياختي مش حلوه ولا مش حلوه يابنتي دا انا فقله قمر
فرفوشه:امر بالستر ياختي روحي روحي اجري
حائره:ههههههه معليش بقى فرفوشه عمرها ماهتتغير
عشق:يلا بقى هانعمل ايه..بس برضو بموت فيها..يلا سلام بقى
حائره:واحنا كمان هانروح نشوف عمرو وحماده اصل بصراحه كدا عمرو وحشني قوي واكيد كمان حماده وحش فرفش
فرفوشه:لا.....انا مش عارفه دماغي صدعت فجأه ليه كدا....شكل البت عينها بترشق ...هاروح اشرب شاي وانام يومين لحسن خلاص ماعدتش شايفه
حائره:طيب وحماده؟
فرفوشه:ماله ختي
عشق:ياخرابي على تقل البنات ....يابت انتي مش عارفه انه مابيصدق يقعد معاكي
حائره:ماهي ماتبقاش فرفوشه لو ماتقلتش اسأليني انا
فرفوشه:اه ياختي انتي وهي اقعدو ارغو كدا مع نفسك ويلا انا هامشي....وانتي ياختي ماتتأخريش مش تنسي نفسك مع الحج عمرو
حائره:ههههه حاضر ياختي
عشق:يلا بقى سلام اشوفكم بكرا
فرفوشه روحت هي وعشق وراحت حائره للشله
عمرو:ياأهلا وياسهلا ومرحبا
صدى:الله الله ايه دا كله من امتى الرومنسيه دي
عمرو:من امبارح ياخفه
حماده:امال فين فرفوشه
حائره:فرفش روحت اصلها صدعت فجأه وقالت هاتروح ترتاح
حماده:يعني هي كويسه
حائره:اه كويسه ماتقلقش الحكايه كلها صداع مافيش حاجه
عمرو:هههههههه والله يافرفوشه طلعتي جامده ...وعشت وشفتك ياحماده قلقان على وحده
حماده:هي هي هي..ايه الخفه دي
صدى:اهلاااااااا اشتغلو بقى....انا ماشيه عشان تتخانقو براحتكم
حماده:ولا نتخانق ولانتصالح انا كمان ماشي
عمرو:وانا بقى هاخد حبيبتي ونتمشى عشان انسى صداع المحاضرات
مشي حماده وصدى اما عمرو وحائره اتمشو شويه
عمرو:هي صحيح فرفوشه مصدعه ولا دا تقل بنات
حائره:بصراحه من نحيه تقل بنات فمستحيل لكن صداع دي اشك فيها
عمرو:ازاي يعني؟؟؟
حائره:هي كانت كويسه وفجأه جت وحده اول مره اشوفها وكلمتها على انفراد بعدها فرفوشه قالت انها مصدعه
عمرو:طب ماسألتيهاش عايزه ايه ولا مين دي
حائره:سألتها ..وقالت انها عايزه منها كراسه المحاضرات بس بصراحه مادخلتش مزاجي لان كان باين عليها انها حاجه زعلتها
عمرو:غريبه ....ربنا يستر
حائره:عموما هي فرفوشه هاتروح مني فين انت ناسي انها معايا في السكن...يعني مسيري هاعرف في ايه
عمرو:ياعم انت ياجامد
اما فرفوشه لما رجعت البيت كل اللي كان بدور في راسها:معقول
ياحماده كنت بتضحك عليا عشان ترد كرامتك ؟؟؟.....طب بدام دا كله لعب
قولتلي بتحبني من الاول ليه؟؟؟.....انا كنت عارفه انك بتتسلى بس ماحدش
صدقني كلهم قالو قلبي قاسي.......يلا اهي خلصت والحمد لله انهاجت على قد
كدا ...ربنا يسامحك ويهديك
رجعت حائره لاقت فرفوشه واقفه في الشباك وبتبص للقمر وهي سرحانه كأنها بتكلمه لدرجه انها ماحستش بيها لما جت
حائره:لالالالالالالا دا الحكايه كبيره بقى
فرفوشه:حكايه ايه اللي كبير؟؟؟
حائره:حكايتك ياختي
فرفوشه:ليه يعني ...ايه اللي خلاكي تقولي كدا
حائره:يعني وقفتك وسرحانك دانتي حتى ماحسيتيش اني جيت
فرفوشه:شايفه
ياحائره القمر دا شكله حلو ازاي....ساعات بحسده لان الكل بيحبه وهوا كمان
بيحب الناس كلها وبينور لهم السما....بس مع ذلك بعيد عن الكل وفي
حاله...رغم ان سطحه مليان حفر وطوب بس برضو بيظهر للناس اجمل وجه ليه
....ومخبي مشاكله مع نفسه.....بجد انا بعشق القمر
حائره:يااااه يافرفوشه كلامك جميل قوي
فرفوشه:هههههه تصدقي انا ماعرفه قولت ايه وليه ..يلا اهي تخريف قبل النوم
حائره:لا يافرفش دي مش تخاريف قبل النوم.....دي روحك الحلوه اللي جواكي
فرفوشه:ههههههه اشتغلي بقى الست الفيلسوفه
حائره:اتريقي
اتريقي ماشي....بس على فكره انا كمان بعشق القمر ...بحس انه صديقي الوحيد
..هو الوحيد اللي بيسمعني من غير ماحس انه مش مهتم لكلامي او بيسمعني وعقله
مش معايا
فرفوشه:قشطه ياكنافه ....اهي دي كمان بصر ه
حائره:هههه الا قوليلي يافرفش ...هو بجد البت اللي جت دي كانت عايزه الكشكول برضو
فرفوشه:امال يعني هاتعوز ايه
حائره:ماشي ..عموما وقت ماتحبي تحكيلي انا هاسمعك وانتي ماتنسيش اننا بقينا صحاب واكتر من كدا كمان
فرفوشه:ماشي ياختي مش هانسى ووقت ومايكون في حاجه هاقولك
وتاني يوم
حائره:فرفش مش هاتقومي ...؟؟؟......كدا احنا هانتأخر
فرفوشه:لا مش هاروح الكليه النهارده روحي انتي
حائره:لا ....مش معقول....فرفوشه؟؟؟؟تغيب؟؟؟؟
فرفوشه:هي فرفوشه دي ايه آله..ماتمشي يابت بلاش فلسفه
حائره:ماشي ياختي انا هامشي...الله يعينك ياحماده
فرفوشه:ربنا يعللك ياحماده
حائره:هاه؟؟؟؟قولتي ايه؟؟؟؟
فرفوشه:كح كح...كح كح.....بكوح ياختي ..يلا اجري لاتتأخري
حائره:اه بحسب...طيب بدام كدا بقى انا مش هاتأخر النهارده عشانك ..يلا سلام
وفي الكليه:
عشق:ايه هي فرفوشه ماجاتِش؟؟؟
حائره:بتقول مالهاش مزاج تيجي النهارده
عشق:والله انا حاسه ان البنت اللي جات امبارح دي وراها حاجه
حائره:وانا كمان.....بس فرفوشه مش راضيه تتكلم...ومسيري هاعرف
عشق:ربنا يستر
حائره:امين...قوليلي اخبار خطيبك ايه
عشق:الحمد لله....جه امبارح قعد شويه ومشي
حائره:لو فرفوشه هنا كان زمانها قالت لك ....ياختي بلاوكسه
عشق:ههههههه اه والله عندك حق ....والله فرفوشه دي عسل قوي
حائره:اه والله ربنا مايحرمنا من بعض خالص
عشق:امين يارب ...يلا خلينا نلحق المحاضره
وبعد المحاضرات
حماده:هي فرفوشه مصدعه النهارده كمان ومشيت زي امبارح والا ايه
حائره:لا فرفوشه ماجتش خالص النهارده
حماده:ليه طيب؟؟
حائره:مش عارفه والله بس اللي قالته مالهاش مزاج
عمرو:لسى برضو ماعرفتيش مين اللي كلمتها امبارح
حائره:لا للاسف مااتكلمتش خالص
حماده:مين دي اللي كلمتها؟؟؟ماتفهمونا في ايه
حائره:وحده كلمت فرفوشه امبارح ومن ساعتها وهي مقلوبه
حماده:وكانت عايزه منها ايه
حائره:مش عارفه والله ياحماده
صدى:غريبه دي؟؟؟اكيد في حاجه
عمرو:وانا بقول كدا برضو
حماده:المشكل هاني اتصلت عليها امبارح وماردتش عليا
حائره:يعني انت تايه عن فرفوشه ياحماده..ماهي دايما يامغلق يااما نسياه في الشنطه ومش سامعاه
حماده:انا نشوف اخرتها
عمرو:طيب يلا بقى انا وحائره هانمشي ونشوفكم بكرا
ولما مشيو
عمرو:والله فروفشه دي تحير
حائره:تصدق ياعمرو..انا كل يوم بكتشف فيها حجات شبهي
عمرو:ها..واكتشفتي ايه امبارح
حائره:امبارح لما روحت لقيتها بتبص للقمر وقالت حجات كتير ه حسيت ان جواها عالم لوحدها
عمرو:فعلا في دي هي شبهك
حائره:اجمل حاجه بقى انها بتعشق القمر
عمرو:وانا كمان بعشق القمر....اهي حاجه حلوه جمعتنا احنا التلاته
حائره:فعلان....بس بجد انا بقيت احب فرفوشه قوي
عمرو:مانتيش ملاحظه انك من الصبح بتتكلمي عن فرفوشه ....وانا ...ايه مافيش أي حاجه؟؟
حائره:ههههههههه ايه د هانت بتغير والا ايه
عمرو:بتكلم بجد...وانا مافياش حاجه خالص والا ايه
حائره:بجد ياعمرو انت غيرت فيا حجات كتير قوي
عمرو:زي ايه بقى...
حائره:فاكر لما قولتلي ان حلمك تلف العالم
عمرو:اكيد ...وساعتها سألتك عن حلمك وقولتي ماعندكيش
حائره:فعلا ساعتها ماكانش عندي....او يمكن كنت نسيته او اهملته...من كتر مالكل ضحك عليا
عمرو:وهو ايه حلمك؟؟
حائره:من
صغري كان نفسي اعمل حاجه كبيره قوي الناس كلها تستفيد منها وانا اكبرها
...بس الكل ضحكو لحد مابقيت اتكسف من حلمي ونسيته....بس لما حكيت لي عن
حلمك ولقيت في عنيك حبك لحلمك وانك مش مكسوف منه.... بقيت افتكر حلمي واحبه
اكتر
عمرو:عارفه
ياحائره ..انا كنت زيك كدا بالظبط لما بحكي حلمي كنت اسمع تريقه بس
ماهمنيش حد عشان عارف ان بدام املي في ربنا كبير مش هايردني وكمان انا مش
بعمل حاجه تغضبه ..عارفه انا دلوقتي اتمسكت بحلمي اكتر عارفه ليه
حائره:ليه؟
عمرو:عشان الرحل هدي هاخدك معايا ونلف العالم كله سوا
حائره:انا بحبك قوي ياعمرو ربنا مايفرقنا ابدا
عمرو:ان شاء الله مش هايفرقنا طول مااملنا فيه كبير
اما حماده فمن ساعه مارجع البيت وهو بيتصل على فرفوشه اللي عامله موبايلها سيلينت وحاطاه في الدولاب
ورجعت حائره البيت
حائره:انا جيييييييييييييت
فرفوشه:نورتي ياختي
حائره:بجد الجامعه النهارده من غيرك مالهاش أي لزمه
فرفوشه:طيب ياختي متشكرين ع المعلومه
حائره تفتح الدولاب تلاقي موبايل فرفوشه منور
حائره:يانهار ابيض 70 مسد كول
فرفوشه:طب حطيه ياختي مكانه
حائره:مش تعرفي من مين؟؟
فرفوشه:مش فارقه كله بيرغي وخلاص...بلاوكسه
حائره:يابت انتي جايبه البرود داكله منين ...دا انا لو عمرو اتصل وانا ماسمعتوش ببقى هاتجنن
فرفوشه:نعمل ايه بقى اصل انا قلبي قاسي
حائره:طيب ماشي بارحتك توهي
فرفوشه:هي عشق عامله ايه
حائره:بتسلم عليكي
فرفوشه:كان بودي اقولك سلميلي عليها بس ياخساره انا رايحه بكرا
حائره:هههههههه يلا خيرها في غيرها بقى
وتاني يوم راحت فرفوشه الكليه
وتحرص على ان
مافيش حوار يجمعها مع حماده وكل ماتحس انه هايكلمها تاخد بعضها وتمشي وان
ردت عليه تكون كلمه ورد غطاها ومرت فتره على نفس الحال وفرفوشه بتهزر وتضحك
مع الكل وتتجنب حماده اكتر واكتر
وحائره مش عارفه توصل لاي حاجه
ياترى اخرتها ايه؟؟؟؟وحماده هايسكت على الحال ده؟؟؟؟
نشوف الحلقه | |
|
