تعالي يا فراشي

تعالي يا فراشي
أنا مشتاق لهمسك
تعالي خبريني عن اللي صار بغيابي
اشتقت ارحل بك عن العالم
اشتقت المس ألونك
ارسم فرح بوسط الحزن
وبقايا حزن بوسط الفرح
اشتقت لذاك المكان اللي حضن بوحي وهمساتك
اشتقت ارسم أنا ذيك العيون اللي
ملاها الحزن واشتاقت لدموع الفرح تملاها

تعالي يا فراشي
وارسمي ذيك الوجوه اللي حرمني
الزمن اكحل عيوني من روياها
ارسمي عيون صادقه تبوح بهم هذا القلب
تعالي وارسمي همي وحزني ولوعة ايامي
تعالي يا فراشي تراك لونك هو لوني
همسك تراه من همس هذا القلب وعيوني

تعالي يا فراشي
خريهم عن اللي شايله هالقلب
تعالي محد مثلك عرف يكلم عيوني
عرف يشاركني حزني قبل الفرح
يا ما احترقتني بنار هذا القلب
وغسلك دمع هذي العين
تعالي يا فراشي الرسم
تعالي مشتاق همساتك
تعالي ارسمي لي قلب
ابد ما عرف شو هو الحزن
تعالي ارسمي لي عين
ابد ما بكت على محبوب
تعالي ارسمي لي روح
ما ذبحها بيوم الشوق
تعالي يا فراشي
أنا مشتاق همساتك
تعالي ارسمي لي درب بعد ما ضاعت دروبي
تعالي ارسمي فرحي وأحزاني

تعالي ارسمي ورده
وخذي لونك من دمي
ابا اهديها لانسان
يعرف قدرها وقدري
------------------------------
همسه
أتبعك مثل ظلالك للبعيد
أتبعك ما ادري لوين
يا ترى لو التفت بتشوفني
ولا صرت ماضي ما بقى به غير الأنين __________________