فرخ بانية جامدة

صدور فراخ بانيه بالتوابل والأوريجانو


المقادير


تتبيله الفراخ

كيلو صدور فراخ
عصير 3 بصلات
معلقة صغيرة توابل دجاج
1/4 معلقة قرفة
معلقة صغيرة بابريكا
ملح وفلفل أسود


لكل كوب بقسماط حنضيف

معلقة كبيرة أوريجانو
1/4 معلقة قرفة
معلقة صغيرة بابريكا
ملح وفلفل أسود
3 بيضات
كوب دقيق


الطريقة

نجيب صدور الفراخ ونضربها بحاجة تقيله عشان ترفع وتتفرد وكمان ده بيفك الفتل اللي في الصدور وتبقى متشدش وطريه جداً، نزود عصير البصل وكل التوابل للفراخ ونسبها منقوعه في التتبيله ساعتين على الأقل وممكن لحد ليله كامله، نجهز البيض في طبق ونخلط معاه شوية ملح وفلفل، في طبق تاني الدقيق وفي طبق ثالث البقسماط مخلوط عليه كل التوابل والأوريجانو، نغطي الفراخ بالبيض وبعدين ننزلها في الدقيق وبعدين في البيض مرة تانيه وبعدين في البقسماط، نقليها على نار متوسطة لحد ما تاخد لون ذهبي جميل

الاريجانو نوع من التوابل من عند العطار
وبالهنا والشفا