ملكه الحب والغرام
Admin
عدد المساهمات : 432
تاريخ التسجيل : 14/05/2011
العمر : 38
الموقع : مملكه الحب والغرام
 |  موضوع: روايه لما نعشق القمر لما يجمع الصحاب؟؟؟؟؟؟الجزي الحادي عشر  الجمعة مايو 20, 2011 8:46 am | |
|
الحلقه ال11
فرفوشه:يالهوي ....يالهوي ياريتني ما سألتك مالك
حماده يمسك سيلنت:سيلنت....سيلنت
فرفوشه:حد يشوف لنا بصله ياجماعه
صدى:بصله ايه بس يافرفوشه دلوقتي
فرفوشه:هي دي اللي هاتقومها وترجعها زي الحصان
حماده:مافيش وحده فيكم معاها برفان في شنطتها
صدى:انا معايا
حماده:وساكته من الصبح ..هاتي
صدى:لا بجد لازم ناخدها المستشفى
حماده:يلا بينا ايدكم معايا
وتروح فرفوشه وصدى وحماده وياخدو سيلنت المستشفى
اما عمرو هو وحائره لما راحو يتمشوا
حائره سرحانه في كلام عمرو اخر مره
عمرو في نفسه**:يارب اجعلني قد الصدمه يارب ...اجعل كلامها خفيف
عمرو:هاياحائره سرحانه في ايه؟؟
حائره:ابدا ...بس جه في بالي كلامك لما اتقابلنا اخر مره
عمرو:وياترى افتكرتيه بالخير والا عشان في حاجه زعلتك
حائره:لا
ابدا بالعكس ..كلامك كان جميل جدا ...زي مايكون ربنا بعتك ليا ساعتها
...اكتشفت ان الحياه دي ليها زوايا كتير نشوفها منها ....بجد نظرتك البسيطه
للحياه او النحيه دي بالذات بتهون حجات كتير ..بجد بشكرك على وجودك جنبي
يومها
عمرو:زي
ماقولت لك شكرك ليا فعلا هايكون بأنك ماتسمحيش لحاجه تزعلك تاني لان مافيش
حاجه او حد يستاهل دموعك ...واللي يستاهل دموعك فعلا عمره ماهيخليها تنزل
حائره:عارف ياعمرو...اول مره شفتك فيها عمري ماتوقعت اني هارتاحلك في يوم من الايام او هايكون في بينا حوار ابدا
عمرو:طب ليه دا كله
حائره:ابدا...مش
لحاجه معينه لكن تقدر تقول اول انطابع ...بس طلع غلط ...لاني لقيتك انسان
غير عن الفكره اللي كنت واخداها عنك ...لقيتك بسيط وطيب قوي
واخر مره لقيت نفسي بحكيلك عن اللي جوايا وفي قلبي من غير ماحس
عمرو:افهم من كدا انك وافقتي على اللي قولته
حائره تبتسم ابتسامه كلها رقه وخجل
عمرو:يعيني موافقه........يعني بتحبيني......وووووووووووووووووووووووووووو
حائره:ههههههههههههه اهدى ياعمرو الناس كلها خدت بالها
عمرو:خليهم ياخدو بالهم ....ايوا خلي العالم كله يعرف ..انا بحبك انا بحبببببك
حائره:هههههههههههه
عمرو:عارفه الاسبوع اللي فات دا انا كنت هاتجنن
عشان اعرف رايك...وكنت خايف يطلع ردك غير كدا يااااااه انا النهارده سعيد لا انا طااااير من الفرحه ..لا انا اسعد واحد على وش الارض
حائره:ههههه ياه للدرجادي
عمرو:للدرجادي
واكتر كمان ...عارفه ياحائره ..انا بوعدك قدام ربنا طول مانتي معايا عمري
ماهاخليكي تبقى متضايقه او تزعلي..لاني لو معملتش كدا عمري ماهستاهلك
حائره:عارف ياعمرو ...انا اول مره احس ان سعادتي تهم حد قوي كدا
عمرو:من النهارده هي اهم حاجه في الدنيا
يلا بقى احكي كل حاجه عن حياتك من ساااااعه ماتولدتي لحد دلوقتي عايز اعرف عنك كل حااااااجه
حائره:هههههه انا كدا هاحكي طول الليل
عمرو:ماشي وانا راضي ...احكي بقى
حائره:انا
من صغري وانا عايشه برا مصر كبرت برا وقضيت كل حياتي اللي فاتت برا...بس
كنت بتمنى ارجع مصر ..الحياه وانت بعيد عن بلدك مهما كانت متيسره بتفضل
برضو متعبيه ...كل اللي حواليك بيبصولك على انك عايش في بلدهم بتاكل من
خيرهم..حتى لو كنت بتشتغل وبتكسب بمجودك نظرتهم هي هي...وبيعاملوك انك
اجنبي ..عمري ماحسيت براحه وانا عايشه برا مصر ..عمري ماخدت راحتي في
الكلام من غير ماخاف حد يتريق على لهجتي ..عارف احساس وحش قوي وانت بتتكلم
لهجه مش لهجتك ..بتحس بأحساس انك مش عايز حد يتريق على لهجتك وفي نفس الوقت
بتحس متبري من اصلك ...كنت لما اجي مصر احس اني في امان ولما تخلص الأجازه
بتمنى اموت ولما ارجع اقعد اعد الايام يوم يوم وساعه ساعه عشان الاجازه
تيجي ...عارف ياعمرو...الناس فاكره ان اللي بيسافر برا مصر بيبقى ملك ويعيش
متهني طول عمره....مع انه بيبقى تعبان اكتر منهم ..عارف لما كنت هناك
واسمع كل وحده تقول انها هاتروح بيت عمها او خالها وتقعد تحكي عم مه العيله
كنت اتمنى احس ولو مره وحده الاحساس ده....يمكن تقول ليه مارجعتوش بدام دا
كله بيحصل ...هاقولك لو بإيدي كنت رجعت من زمان بس للأسف عمر الموضوع
ماكان بإيدي ...شغل والدي واحساسه انه مرتاح فيه كان بيخليه قاعد ومش عايز
يرجع كع انه عارف ان كلنا تعبانين من الغربه
عمرو:يااااه كل ده
حائره:واكتر ...بس الحمد لله على كل حال
عمرو:طب ودلوقتي انتي مرتاحه برجوعك مصر
حائره:مرتاحه من نحيه اني خلاص ماعدتش في غربه لكن بعدي عن اهلي في حد ذاته تعب
عمرو:وانا بوعدك عمري ماهخليكي تحسي بالتعب دا تاني
ويفضل عمرو وحائره يتكلمو ويتمشو لحد مايوصلو البيت وتروح حائره ماتلاقيش فرفوشه
اما حماده وفرفوشه وصدى لما راحو المستشفى
حماده:انا هاتصل على اختها من موبايلها
واقولها تيجي
صدى:بس ماتخوفهاش ياحماده
فرفوشه:ايه ماتخوفهاش دي.......يعني هو هايقولها بخ قبل مايكلمها
صدى:مش
قصدي يافرفش...انا قصدي مايكبرش الموضوع انتي شايفه اهه الدكتور قال عندها
هبوط وعلق لها المحلول يعني لما يخلص هاتروح الحكايه بسيطه يعني
ويطلع حماده الرقم ويتصل على بعد الفراق
حماده:الو....بعد
الفراق......انا حماده صاحب سيلنت..لا مش ضايع منها ولا حاجه
......هي........اغم عليها وخدناها المستشفى........لالالا ماتقلقيش هو
الدكتور قال عندها هبوط وعلق لها محلول لما يخلص هاتروح ....طيب احنا
مستنينك .......سلام
صدى:طيب انا هامشي عشان انا اتأخرت قوي يلا هابقى اتصل اتطمن عليها
حماده:ماشي
صدى:يلا باي
ولما تمشي صدى
حماده:وانتي يافرفوشه مش هاتروحي
فرفوشه:لا انا هامشي لما البتاع اللي متعلق دا يخلص....الا قولي ايه اللي خلاها تتعب قوي كدا...اوعى تقولي الموضوع اياه
حماده:هو بعينه ......سيلنت بتحب ميزو بس يتعند مع نفسها لحد ماوصلت للي هي فيه
فرفوشه:انا قولت من الاول بلا حب بلا حب بلا نيله قولتو ا اطلعو من البلد
حماده:الا قوليلي يافرفش انتي عمرك يعني ماحبيتي
فرفوشه:اعوذ بالله ..بعد الشر ...واحب ليه انطسيت في نفوخي
حماده:ليه يعني هو فيه احلى من الحب
فرفوشه:الا فيه....هو فيه احلى من الحريه والبال الرايق
حماده:بس
الحب جميل قوي يافرفوشه..احساس جميل لما تلاقي انسان يحبك وتحبيه وتبقو
واحد ....يفهمك قبل ماتتكلمي يكون معاكي في زعلك قبل فرحك ...كدا يعني
فرفوشه:ههههههههههههه
تصدق قشعرت ههههههههه ياعم ايه الفيلم اللي انت عامله ده ماهي قدامك ايه
مرميه جوا بسبب الحب اهيه...قال مافيش احلى منه قال.....ياعم روح ....قال
حب قال....احب واحد واقعد افكر فيه واشغل دماغي ودماغ اللي خلفوني بيه ولما
يزعل مره اقعد طول الليل اعيييييط واعملها مناحه ودموعي تنزل لحد مايجيلي
جفاف وانشف زي اللي نايمه جوا
حماده: هههههههههههههههه جفاف.؟ ....تصدقي انا اسف اني سألت اصلا....قال جفاف قال
وتيجي بعد الفراق
حماده:اهلا يابعد الفراق
بعد الفراق:سيلنت مالها ياحماده بقالها اسبوع متغيره لا بتاكل ولا بتشرب ولا بتكلم حد ...دا حتى الكليه بتروحها وانا متأكده انها مش مركزه
حماده:ميزو رجع تاني وندمان انه بعد واختك واخداها عند فيه وفي نفسها وشوفي عندها وصلها لفين
فرفوشه:والله اختك د يغلطانه شوفتي عملت في نفسها ايه بسببه ....دهيه تقطع الحب وسنينه
حماده:دي فرفوشه صحبتنا الجديده
الفراق:اهلا يافرفوشه.....طيب انا هادخل لسيلنت وانتو روحو ا بقى متشكره قوي تعبناكم معانا
فرفوشه:لا ياختي احنا اخوات لبعضينا المهم هي تقوم بالسلامه
حماده:طب روحيلها بقى انتي واحنا هانورح ونبقى نكلمها نتطمن عليها
ولما تروح بعد الفراق لاختها
حماده:جرى ايه يافرفوشه هو انتي دايما كدا ضد ميزو ..ياشيخه خليكي محضر خير ولو مره وحده
فرفوشه:ياشيخ روح قال محضر خير الحق عليا اني عايزه مصلحتها
حماده:مصلحتها؟......طب يلا ياختي على بيتك يلا
اما بعد الفراق وسيلنت
بعد الفراق:حلو اللي انتي عملته في نفسك ده
سيلنت:مش بإيدي
بعد الفراق:انا عرفت كل حاجه......ليه ماقولتليش من الاول ليه شيلتي همك لوحدك
سيلنت:كنت محتاجه اكون لوحدي
بعد الفراق:قصدك كنتي عايزه تقعدي تعندي مع نفسك
انتي بتحبيه ياسيلنت وهو كمان بيحبك ..اديه فرصه تانيه
سيلنت:وان بعد تاني اعمل ايه انا؟؟؟
بعد الفراق:مش هايبعد تاني وابقي شوفي
اما فرفوشه لما وصلت البيت
حائره:لا مالسى بدري .....قافله موبايلك ليه
فرفوشه:ههههههههههه حسستيني اني داخله على سي سيد
حائره:سي السيد.......يعني انا بالي مشغول عليكي وانتي بتتريقي
فرفوشه:يالهوي دانتي زعلانه قوي......طب وحياه ابو زحلف اللي بات طول الليل يحلف انا ماقصدي
حائره:سيبي ابو زحلف بتاعك ده في حاله وقولي كنتي فين
فرفوشه:سيلنت سورقت مننا في الكليه ووديناها المستشفى واستنينا لما اختها جت ومشينا
حائره:اكيد دا كله من التفكير والحيره اللي هي حطت نفسها فيهم
فرفوشه:اه صحيح عملتي ايه مع الحج روميو
حائره تضحك بدلع
فرفوشه:يبقى وافقت تحبيه
حائره:ايون
فرفوشه:هههههههههه والله انا قولت انكم شبه بعض تمام زي تنتون وتنتن
حائره:طييييييييب يافرفوشه اخر مره اقولك على حاجه انا غلطان هاني مستنياكي عشان احكيلك
فرفوشه:هههههههههه خلاص حرمت اخر مره
حائره:اما نشوف اخر مره دي ....يلا تصبحي على خير
فرفوشه:يعني مش هاتقوليلي حصل ايه
حائره:لللللللللللللللللللللللللللللللللاء
فرفوشه:ماااااااااااااااااشي نامي ياختي نااااااامي
وتاني يوم في الكليه
فرفوشه:صباح الخير ياعشق......الا قوليلي ياختي ماشوفتيش روميو
حائره:اتملي يافرفوشه احسنلك
عشق:هههههههههههه ايه هو فيه ايه انتو الاتنين
فرفوشه:هو انتي مادريتيش
عشق:لا مادريتش
فرفوشه:ولا تعلميش..؟؟
عشق:يابت ماتقولي في ايه
فرفوشه:اسكووووووووووتي مش الحج هدي وافقت ان الحج روميو يحبها وتحبه ويعملو عنتر وعبله
حائره:فرفووووووووشه اتلمي
فرفوشه:ههههههههههههههههههههههههههه
عشق:هههههههههه ايه ده روميو....قصدي عمرو هناك اهه
حائره:وانتي كمان ياعشق مااااااااااااشي
فرفوشه:هههههههههههه ماشي على فين ياعم ههههههههههه
حائره:طيب يافرفوشه
فرفوشه:ايه ده دول جايين على هنا اسكتي اسكتي خلينا نحتفل بالحج روميوههههههههههه
ولما الشله وصلت
عمرو:صباح الخير
فرفوشه:صباح النووووووووووووووووور
حماده:مالك يافرفوشه
فرفوشه:ههههههههههه مالي في جيبي ....بالك انت ياحماده احنا شكلنا بدل ماكنا بنتفرج على فيلم واحد دلوقتي بقينا نتفرج على فيلمين
حائره:فروفشه
فرفوشه:خلاص سكت اهه
صدى:لا الحكايه شكلها جد بقى
فرفوشه:الا جد ..دا جد الجد كمان
عمرو:اه جد عندك مانع
فرفوشه:هههههههههههههههه لا ماعنديش
حائره:هي سيلنت ماجتش النهارده
حماده:سيلنت ربنا يعينها على نفسها .....هي فرفوشه ماقلتلكيش والا ايه
حائره:لاقالتلي ....وان شاء الله هاروح لها النهارده
فرفوشه:وانا كمان هاجي معاكي
حماده:بس بالله عليكي يافرفوشه ماتقوليلها عن الجفاف اللي حكيتيلي عنه امبارح
صدى:جفاف ايه.؟
فرفوشه:اقولك انا...
حماده:لااااااااااااا ارجوكي بلاش ...بقولكم ايه احنا كلنا نروح المحاضره دلوقتي وبعد المحاضرات نروح لها كلنا بربطه المعلم
وبعد المحاضرات ماخلصت
ميزو يقابل الشله
ميزو:ازيكم ياجماعه
عمرو:تمام انت عامل ايه
ميزو:الحمد لله.....هي سيلنت.....
صدى:لا ماجتش النهارده اصلها تعبانه
ميزو:مالها سيلنت
حماده:ابدا هي جالها هبوط امبارح والنهارده قالت تريح
صدى:على فكره احنا هانروح لها بعد شويه ماتيجي معانا
ميزو:لا ماعليش هابقى اكلمها لما تيجي ...بس سلميلي عليها
فرفوشه:ماهو....
حائره تحط ايديها على بق فرفوشه :حاضر ياميزو كلنا هانسلم لك عليها يلا بقى عشان مانتأخرش
ميزو في نفسه**:نفسي اجيلك دلوقتي حالا بس انتي السبب ياسيلنت ربنا يهديكي
ولما الشله يروحو لسيلنت:
سيلنت:بجد ياجماعه انا مش عارفه اشكركم ازاي
عمرو:ماتقوليش كدا احنا اخوات
فرفوشه:انتي قومي كدا وارجعيلنا زي ماكنتي واحنا ننبسط
حماده:يارب تعقلي ياسيلنت
صدى:اه على فكره ميزو بيسلم عليكي
فرفوشه:سبب المصايب ده
عمرو:اشوف فيكي يوم ياشيخه .....يابت قولي كلمه عدله
فرفوشه:انتو حرين ياكش تولعو ....قا ل حب قال
سيلنت:هههههههه يارب تجربي وتقعي يافرفوشه ساعتها هانتفرج عليكي
عمرو:ااامين ....وليكي عليا لاعملك فضيحه على مستوى
فرفوشه:منك لله يابعيد......بس دابعدك برضو
ولما خلصت الزياره واكل يروح
بعد الفراق:صحابك دول عسل
سيلنت:اه والله انا بحبهم قوي
بعد الفراق:يارب يخليكم لبعض......ويهديكي
اما حائره وفرفوشه
حائره:ايه يابت انتي كلامك ده اهدي شويه على ميزو
فرفوشه:اه طبعا مانتي واقعه لشوشتك وبتشجعي الحب
حائره:يارب لشوف فيكي يوم
فرفوشه:اه شاختي احفظي كلامه وتعالي قوليه هنا زي البغبغان....حيكم
اما حماده لما رجع البيت بقى يفكر في كلام فرفوشه ويضحك ويقول:هههههههههههه
يخر بعقلك يافرفوشه ........ايه د هانا مالي بفكر فيها جامد كدا
ليه.....انا شكلي وقعت والا ايه؟؟؟؟.....لا ياعم عننننننندك قال وقعت قال
دا انا حماده اللي موقع الكل
اماعمرو لما روح البيت
يارب يعقلك ياسيلنت ويهديكي.......ويوقعك يافرفوشه في واحد يعلمك الحب
وتاني يوم:
حماده:حمد لله على سلامتك ياسيلنت
صدى:والله الجامعه من غيرك مالهاش لزمه
حائره:اه والله ياحبيبتي
سيلنت:تسلمو يارب ويخليكم ليا
فرفوشه:ماهو انتي ياختي اللي جايباه لنفسك والله يابت سيبك من الكلام دا كله بلا وكسه
عمرو:هههههههههه بقولكم ايه خلينا نروح المحاضره احسن مانسمع محاضره من فروفشه
حماده:هههههههههه اه والله يلا خلينا نروح
فرفوشه:مااااااااشي انا غلطانه ...دا حتى انا كلامي ارحم من المحاضره
ولما خلصت المحاضره والكل طلع
ميزو:سيلنت لوسمحتي ممكن شويه
سيلنت:طيب ياجماعه عن اذنكم
ولما مشيت سيلنت الكل لاحظ ان فرفوشه مش موجوده
حماده:امال فرفوشه فين ياجماعه
حائره:اه صحيح هي كانت معانا وفجأه مالقيتهاش
عمرو:هههههه مسيرها هاتيجي يعني هاتروح فين
صدى:اهي جت اهه
ولما تيجي فرفوشه
فرفوشه:يامصيبتي ياخرابي .....ااااااااااه ياني جت الحزينه تفرح مالقتهاش مطرح
ياترى فرفوشه بتصوت ليه وكانت فين .؟؟؟؟؟؟؟؟؟
دا نعرفه الحلقه الجايه
| |
|
